Yekun xəbərlər 13.10.2021 Xocalıda DƏHŞƏT - Ruslardan YENİ ŞƏRƏFSİZLİK

İran ordusu Ermənistan ərazisinə girə bilər. Bu “ideya” İran üçün arzu, Azərbaycan üçün problem, Rusiya üçün biabırçılıq, Türkiyə üçün nonsens, Ermənistan üçün isə milli faciədir”.
KONKRET.az bildirir ki, bu fikirləri axar.az-a açıqlamasında rusiyalı tarixçi, hərbi ekspert Oleq Kuznetsov Tehranın Ermənistan ərazisinə hərbi kontingent yeridilməsi ideyasına dair müxtəlif ekspert icmalarının fikirlərini şərh edərkən bildirib.

“Mən bu cür mülahizələri “Reqnum” informasiya agentliyinin “analitikləri”ndən eşitmişdim, lakin onların halüsinasiyalarını sözsüz ki, qəbul etmirəm. Buna görə də mən bu cür informasiya axınlarına istehza ilə yanaşıram”, – deyə müsahibimiz qeyd edib.
Onun sözlərinə görə, bu gün İranın, demək olar ki, bir dənə də müttəfiqi yoxdur. İran ordusu Zəngəzura girəcəyi təqdirdə onun tərəfində müxtəlif ölkələrə yerləşdirdiyi hərbiləşdirilmiş qruplaşmaları belə dura bilməyəcək. Çünki onların özləri elə İran tərəfindən maliyyələşdirilir və silahlandırılır, buna görə də ciddi qarşıdurma baş versə, bu qruplaşmalar İrana dəstək yox, yük olacaq.
“İran qoşunlarının bu regiona yeridilməsi tarixdə ilk dəfə olaraq ABŞ və NATO ölkələrinin Rusiya ilə birgə koalisiya təşkil edərək Tehrana qarşı çıxmasına səbəb olacaq. Buraya İsrail, Türkiyə və əlbəttə ki, Azərbaycan da daxil olacaq. Sözsüz ki, Çin narazı olacaq, amma Ermənistanın maraqlarına görə Pekin çətin ki, İranın tərəfində döyüşə girsin.
Artıq bir faktı hamı qəbul etməlidir: Zəngəzur nəqliyyat dəhlizinin arxasında Putinin imzası dayanır və Kreml heç kimə buna qəsd etməyə imkan verməyəcək”, – deyə həmsöhbətimiz qeyd edib.
“Ermənistan vaxtilə işğal altında saxladığı və İkinci Qarabağ müharibəsi nəticəsində azad edilən Azərbaycan ərazilərində hər şeyi yerlə-yeksan edib, yandırıb, dağıdıb. Ancaq bu gün Azərbacan höküməti Prezident İlham Əliyevin rəhbərliyi ilə Qarabağda xeyli işlər görüb. Əminəm ki, Azərbaycan dövləti həmin əraziləri yenidən bərpa edəcək və ora həyat qayıdacaq”.
Kanal.az xəbər verir ki, bunu “Report”a müsahibəsində Türkiyənin xarici işlər naziri Mövlud Çavuşoğlu deyib.

Nazir vurğulayıb ki, Türkiyə Azərbaycana əlindən gələn dəstəyi verir və gələcəkdə də verəcək: “Ancaq Qarabağda yenidənqurma işlərinin sürətlənməsi üçün ermənilər tərəfindən həmin ərazilərdə basdırılan minaların təmizlənməsi lazımdır. Bunun üçün kifayət qədər texnologiya da var. Ancaq həmin ərazilərdə minaların harada basdırıldığı məlum deyil. Ermənilər minalanmış ərazilərin bəzilərinin xəritələrini Azərbaycana veriblər, ancaq digərlərini isə hələ də verməyiblər.
Hesab edirəm ki, Ermənistanın ən qısa zamanda bu məsələləri asanlaşdırmaq, sülh və əməkdaşlıq münasibətlərini normallaşdırmaq istiqamətində müsbət addımlar atması lazımdır. Ermənistan həmin ərazilərdə basdırdığı bütün mina xəritələrini ən qısa zamanda Azərbaycana verməlidir. Çünki ərazilər minalardan təmizlənməlidir ki, insanlar öz yurd-yuvalarına dönərkən həyatlarını itirməsinlər. Can Azərbaycan heç vaxt tək olmayıb və biz heç bir vaxt Azərbaycanı tək buraxmayacağıq. Bunu hər kəs bilsin!”
Qarabağa müvəqqəti yerləşdirilən Rusiya sülhməramlı kontingentinin hərbçiləri çoxuşaqlı ailələr və çətin həyat şəraitində olan ermənilərə humanitar yardım göstəriblər.
Axar.az xəbər verir ki, bu məlumatı Rusiya Müdafiə Nazirliyi yayıb.
Sülhməramlıların “Mersi” xeyriyyə təşkilatı ilə Laçında aksiya keçirdiyi bildirilib.
Rusiya sülhməramlı kontingentinin nümayəndəsi Sergey Vladimirov ehtiyacı olan ailələrə ərzaq, geyim, ayaqqabı yardımı etdiklərini bildirib..
Ermənistan Respublika Partiyasının gənclər təşkilatı İrəvanda küçələrdən birinə Şuşa  adının verilməsi üçün imza toplamağa başlayıb.
KONKRET.az erməni mətbuatına istinadən xəbər verir ki, Azərbaycanın qədim şəhəri və mədəniyyət paytaxtı olan Şuşanı artıq yuxularında belə görə bilməyəcəklərini anlayan ermənilər, indi də Şuşanın adını İrəvandakı küçələrdən birinə verməklə təskinlik tapmağa çalışırlar.
Söhbət hərbi münaqişənin aradan qaldırılmasından getdikdə siyasi amil mövcud olur, bu amilin hakim olması isə danışıqları çətinləşdirir. Bəzən dini nöqteyi-nəzərdən baxanda insanların niyə bir-birinə etibar edə bilmədiyini anlaya bilmirik. Onların etibar edə bilməməsinin səbəbi siyasi maraqlara toxunması ilə bağlıdır.
Axar.az xəbər verir ki, bunu Moskva və Bütün Rusiyanın Patriarxı Kirill Qafqaz Müsəlmanları İdarəsinin sədri Şeyxülislam Allahşükür Paşazadə ilə görüşü zamanı bildirib.
Onun sözlərinə görə, dini liderlər ümumi mənafe naminə və hər hansı mənfi fəsadlar olmadan gündəlikdə olan ən mürəkkəb məsələləri belə müzakirə edirlər:

Видео Yekun xəbərlər 13.10.2021 Xocalıda DƏHŞƏT - Ruslardan YENİ ŞƏRƏFSİZLİK канала Qazanc Yolu