Қазақ Әскерінің Адам Шошырлық Құпиясы!

Бәріңізге Ассалаумағалейкум!

Тоқсаныншы жылдардың, алмағайып замандарында, Баха фестиваль мен Рыжий Алмаздың дүркіреп тұрған шағында, сіз бен біз естімеген “Ойбай не дейд, мына бала” дегізерлік жағдаяттар орын алды. Қысқасы кіріспені сағызша созбай, іске көшелік.
“Бауырым - братишкам, бір туғаным” деп құрметтейтін, Қырғыз бауырларымызды, Қазақстанның әскери ұшақтары, тоқсаныншы жылдары бомбаламақшы болғанын, сіз білесіз бе?
Қазақстан не үшін, Қырғызстанды бомбаламақшы болды? Қазақстан, Қырғызстанды басып алу үшін бе?
Орыстардың арандатқаны ма?
Әлде Қазақстан, жүз елу жыл бұрын, Қырғыздың Ормон манабының қолынан жан тапсырған, Кенесары ханның басын даулап, кек алмақшы болды ма?
Сұрақ көп, жауап аз. Алайда осыған қарамастан, жұртшылық ұмытып жатқан жағдаяттың түйінін, сіздерге жеткізу үшін, көптеген ізденістер мен зерттеулер жасап көрдік. Бұл сұрақтардың жауабын білмес бұрын дәл қазір төменге түсіп подписаться деген қызыл тетікті басып және қасында шыққан қоңыраушаны баса салыңыз. Шабыт бізден, Қолдау сізден!
Әлқисса, бұл оқиға ғаламтордың төріне,2007 жылы көтеріліпті. Сол жылы, ”Сентрэл Эжиа Ньюс” порталына, Қырғызстанның сол сәттегі Ішкі істер министрі болып табылатын, Токтогул Какчекеевтің сұхбатынан, бүгінгі оқиғамыз, жұртшылыққа белгілі болды. Сол ағамыздың өз аузынан шыққан сөздерін, осы оқиғаның дәлелі ретінде, алға тартпақпыз ағайын.
“Одақ кезінде Қырғызстан аумағында көліктік, жойғыш және шабуылдаушы авиация орналасқан болатын. "Фрунзе-1" аэродромында, қос авиациялық полк орналасты. Мұнда жоғары ұшу курстарында негізінен, шет елдердің ұшқыштары оқыды. Оқу-жауынгерлік ұшақтардың бір бөлігі Тоқмақта, Қантта, Қазақстандағы Луговой елді мекендерінде орналасты. Одақ ыдырағаннан кейін Қырғызстанда көптеген әскери техника, соның ішінде авиациялық техника қалды”. Қысқасы ағамыздың айтуынша, Қырғызстан Кеңестер одағынан “Техникаларыңа көз тимесін, тіфәй-тіфәй” дегізетін әскери-әуе күштеріне арналған, сан түрлі техниканы иеленіпті.
Фактілерді алға тартар болсақ, сол сәтте Қырғызстанда сексенге тарта МиГ-21 жойғыш ұшақтары және 70 шақты Л-39 оқу-жаттығу ұшақтары орын теуіпті. “Болса болған шығар, олардың осы оқиғаға тікелей қандай қатысы бар?” деген сұрақ, көбіңізді мазалатқан шығар. Жоғарыда айтылып кеткен Л-39 ұшағы, “Даудың басы Дайрабайдың көк сиыры” сөзіндегі, көк сиыр рөлін атқарады.
Қысқасы барлығы былай болды.
1993-1994 жылдары бұрынғы кеңестік ұшақтар, Қант әуежайынан Краснодарға көшірілді. Бұл әрекет, бұғанасы бекімеген, Қырғыз Республикасының рұқсатынсыз болды. Ұшақтардың жоғалғаны туралы Қырғыздар, ұшқаннан кейін білді. Қырғызстан тарапынан “Е сен кімсің, біздің әскери техникаларымызды рұқсатсыз алып кететін?!” деген сарындағы, ешқандай реакция болған жоқ, осыған байланысты, бірнеше айдан кейін тағы бір әрекет жасалынды. Ресей Федерациясының Алтай өлкесінен келген Ан-24 ұшағы, Токмак әскери аэродромына қонды. Оның бортында 19 ұшқыш және 4 авиамеханик болған. Шұғыл түрде олар қалған 16 Л-39 ұшағын, Ресейге - Бийскке немесе Барнаулға ұшырып алып кетпекші болды.
Әрі қарай Тоқтағұл Какчекеевтің өз сөзімен, оқиғаның қалай өрбігенін айталық.
“Сол кезде мен Шу облысының, әуе қозғалысын басқару кешенінің, ұйымдастыру - инспекторлық бөлімінің бастығы болып жұмыс істедім. Есімде, кезекші маған қоңырау шалып: "сізді елдің вице-президенті Феликс Құлов шақырады", - деді. Біз бірден келдік. Куловпен бірге отставкадағы полиция полковнигі Виктор Черноморец болды. Вице-президент бізді тез арада іске қосты, ол паркер қалам алып, бланкке қара сиямен жазды: "мен полковник Токтогул Какчекеевке 16 Л-39 ұшағының ұшуына жол бермеуге және олардың қорғанысын ұйымдастыруға бұйрық беремін".
Біз бұрынғы ауған ардагерлерінің арасынан 12 адамды жинап, екі көлікпен Тоқмаққа шықтық. Бізге полиция мен кез-келген құқық қорғау күштерін тарту құқығы берілді. Әрине, аэродромға келген сәтте, әуежай басшылығы тарапынан үлкен, қарсылыққа тап болдық. Күзет батальонының командирі бізге қару қолдануға дайын екенін ескертті, ал полк командирі бізбен мүлдем, сөйлесуден бас тартты. Алайда біз қарсылыққа қарамастан, Тоқмақтың ішкі істер бөлімінің құрамынан, қырық минут ішінде, жүз жиырма құбыр тасымалдаушы автокөлікті жинап, ұшу-қону жолағына, елу метр арақашықтықпен автокөліктерді орналастыру арқылы, ұшақтардың көкке көтерілу мүмкіндігін бұғаттап тастадық.”
Әрі қарай Ресейлік ұшқыштар, Қырғызстанға рұқсатсыз ұшып келулеріне байланысты қамауға алынды. Бірақ осы жағдай Ресейді тоқтатпады. Олар “Берсе қолыңнан, бермесе жолыңнан” деп, Қазақстанда орын тепкен, Луговой өңіріндегі, Қазақстандық МиГ-29 ұшақтарын қолдана отырып, жоғарыда айтылған, он алты Л-39 ұшағын, әуежаймен қоса бомбалап, тып-типыл етпекші болды.
“Қалайша орыстар біздің ұшақтармен, бауырларымызды бомбаламақшы болды, біздің басшылық қайда қараған?!” секілді сұрақтар, бірден ойға келген шығар. Толығырақ Видеода...

Видео Қазақ Әскерінің Адам Шошырлық Құпиясы! канала BILGEN DURYS