Ақтөбеде сұйылтылған газ тапшы

Ақтөбеде сұйылтылған газ тапшы. Көлік жүргізушілері газ құю станцияларында сағаттап кезек күтуге мәжбүр. Автогаз қала бойынша тек санаулы бекетте ғана сатылуда. Дені талонға беріп жатыр. Аяқ асты газдың жоғалуына не себеп? Автогаз құю бекеттерінде газ жоқ. Барлары тек талонмен ғана беруде. Талоны жоқтар сағаттап ұзын-сонар кезекте тұр. Мынау Тургенев көшесінің бойындағы газ құю бекеті. Талоны жоқ жүргізушілердің дені осында. Литрі 50 теңгеден. Мұнда 30- ға жуық көлік жиналған. Кезек қойып кеткендері де бар. Өңірде сұйылтылған газ шығаратын үш зауыт бар. Олар- "СНПС- Ақтөбемұнайгаз" АҚ, "Қазақойл Ақтөбе" мен "Восток нефть" серіктестіктері. Мамандардың айтуынша, жаз айларында бұл зауыттарда жөндеу жұмыстары жүреді. Осыған орай газ жеткізу кешеуілдеуі мүмкін. Сондай-ақ, Ақтөбеде газбен жүретін автокөліктер саны артқан. Сұйылтылған газға сұраныс та өсті. Мәселен, Ақтөбеде 50 мыңға жуық көлік газбен жүреді. Ал қажеттілік 13 500 тонна. Ал әзір Ақтөбеге 12 мың тоннадай газ келген. Қалғаны 4-тамыз күні жеткізілуі тиіс, дейді жауапты мамандар. Сала мамандары газ өңдеу зауыттары өнімін штаттық режимде жіберіп жатқанын айтады. 1-2 күннің ішінде газдың қажетті мөлшері жеткізілуі тиіс. Айта кетейік, қазір Ақтөбеде сұйылтылған газдың литрі 50 теңгеден сатылып жатыр.

Сайт телеканала http://www.rikatv.kz/
Twitter https://twitter.com/rika_kz
Вконтакте https://vk.com/rikatv

Видео Ақтөбеде сұйылтылған газ тапшы канала РИКА ТВ