4 пайыздық автонесиелендіру басталмай жатып, автосалондар көлік бағасын неге көтеріп жатыр?

Утилизациялық алымның мөлшерлемесі бекітілмей жатып, отандық автосалондар көліктердің бағасын көтеріп жатыр. Осылай деп шағымданған жұрт, жаңа көлікке салон қосымша жабдықтарды орнатып, оны қымбат бағаға сатып жатыр дейді. Ал, автокәсіпкерлік қауымдастығының мамандары машина құнының өзгермегенін айтып, елді сабырға шақырып әлек. Автонесиелендіру бағдарламасы іске қосылса, отандық автопром нарықты толық қамти ала ма? Әріптесім Өмір Серікбекұлы бірнеше автосалонға барып, жағдайды өз көзімен көріп келді.
Жыл басында жеңілдетілген несиемен көлік аламыз деп қуандық. Мемлекеттік бағдарлама іске аспай жатып автосалондарда баға көтеріліп жатыр дейді жұрт. Қазірдің өзінде сұранысқа ие бюджеттік көліктер салонда жоқ екен. Оны алу үшін 1 жарым 2 ай күту керек. Автосалондарды аралап жүрген адамдар көңілімізден шығатын көлікті таппаймыз дейді. Амалы таусылған халық осындағы бар көлікті алуға мәжбүр. Оның үстіне қосымша терезені қараңғылайтын, дабыл құрылғысы сынды жабдықтарды менеджерлер алуға міндеттейді екен. Ал, оның құны шамамен 800 мың теңгеге дейін барады.
Автокәсіпкерлік қауымдастығының қызметкері, көлік дефициті барлық елде болады деп ақталды. Машина бағасы өзгермегенін айтқан маман, көліктегі қосымша орнатылған құрылғыларды тұтынушының алып тастауға құқығы бар дейді.
ЕРБОЛ СЕЙПИЛОВ, Қазақстандық АвтоКәсіпкерлік қауымдастығының Техникалық реттеу жөніндегі директоры:
– Ковриктар, чехолдар, енді тонировканы ол енді уже жасалып қойған нәрсе. Оның бағасы да ондай қатты қымбат емес. Дополнительно мысалы магнитола орнатылса, тағыда бір құрылғылар иә сондай электронды. Шешуге оңай болса, оны неге шешіп тастамасқа. Шешіп тастайды әрине. Егер ол бағасына қатты нетіп тұрса онда оны алып тастайды.
Маманның сөзінше, мемлекеттік бағдарлама іске аспай тұрып-ақ, отандық көліктерге деген сұраныс төмендемепті. Жеңілдетілген несие іске қосылса сұраныс одан сайын артатынына сенеді. Қазақстандық автопромдар нарықты қанағаттандыра алады деген ол, көліктің бөлшектері кедергісіз келіп отырса құрастыру қиындық тудырмайды дейді. Ал, кейбір сарапшылар 4 пайызбен несие беру бағдарламасы - утилизациялық алым айналасындағы шуды басу үшін жасалып отырған қадам деп топшылайды. Бұдан көліктің бағасы арзандайды дегенге сену қиын екен.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#автокредит #көлік #баға #автосалондар

Видео 4 пайыздық автонесиелендіру басталмай жатып, автосалондар көлік бағасын неге көтеріп жатыр? канала Информбюро 31