Номаи пеш аз марги домоду арӯс: “Дигар зиндагӣ кардан намехоҳем”

Пурсарусадотарин хабари ҳафтаи ҷорӣ ҳодисаи шаби 27-уми март дар деҳаи Якатути ноҳияи Вахш буд, ки Шарифбек Зиёеви 26-сола ва Гулҳавас Шоеваи 17-сола пас аз се рӯзи оиладорӣ эҳтимол даст ба худкушӣ заданд.

Сафархуҷа Зиёев, бародари Шарифбек рӯзи 30-юми март ба Радиои Озодӣ гуфт, ки ҷасадҳоро аз оғили канори ҳавлиашон ёфтанд. “Ҳамон субҳ аз хонаи домоду арӯс ҳеҷ садо набаромад. Фикр кардем, ки хобидаанд. Дертар ҷасадро овезон ёфтем”,- нақл кардааст ӯ.

Аз Додситонии ноҳияи Вахш аз тасдиқу таҳқиқи ин ҳодиса хабар дода ва гуфтаанд, ки ҳодиса ба худкушӣ монанд аст, аммо ҳанӯз барои худкушӣ номидани он далелҳои кофӣ дар даст нест. Дар ин баробар, пайвандони Шарифбек Зиёев ва Гулҳавас Шоева ба худкушӣ будани ҳодиса таъкид доранд.

Пайвандони арӯсу домод мегӯянд, аз хонаи хоби онҳо номае ёфтаанд, ки зоҳиран қабл аз марг навишта шудааст. “Дар нома навишта шудааст, ки “дигар зиндагӣ кардан намехоҳем”. Навиштаанд, мо бо хоҳиши худамон худкушӣ мекунем. Хешони домод гуфтаанд, ки ҳусни хат ба навиштаҳои Шарифбек Зиёев монанд аст.

Ёдовар мешавем, ки Шарифбек Зиёеви 26-сола ва Гулҳавас Шоеваи 17-сола, ки барои расидан ба синни балоғат чанд моҳаш монда буд, рӯзи 24-уми марти имсол издивоҷ карданд ва пас аз се рӯз ҷасадҳояшонро пайдо карданд.

PRESSA.TJ - Tojikiston: YouTube-канали иттилоотӣ, таҳлилӣ ва фарҳангию варзишӣ дар заминаи ҳафтаномаи "Тоҷикистон" ва сомонаи Рressa.tj барои аудиторияи васеъ cохта шудааст.

WEB-САЙТИ МО: https://www.pressa.tj
Телефони масъули реклама: +992 93 111 08 61
Телефони редаксияи Рressa.tj: 221 06 44
Саҳифаи шарикон: https://www.arzon.tj
YouTube тавсия медиҳад: https://www.youtube.com/c/OilaTJ

Видео Номаи пеш аз марги домоду арӯс: “Дигар зиндагӣ кардан намехоҳем” канала PRESSA TJ