Tv Klan - Spanja, Norvegjia dhe Irlanda njohin Palestinën

Spanja, Norvegjia dhe Irlanda vendosin të njohin shtetin e Palestinës. Në një hap të paralajmëruar mes luftës së ashpër izraelite në Rripin e Gazës, kryeministrat e këtyre vendeve, pasi shpallën vendimin me deklarata të veçanta, deklaruan se formalisht do ta hedhin këtë hap sëbashku javën e ardhshme më 28 Maj.

“Sot, Irlanda, Norvegjia dhe Spanja shpallin njohjen e shtetit të Palestinës”, tha Kryeministri i Irlandës.

“Mes një lufte me dhjetëra mijëra të vrarë e të plagosur, duhet të mbajmë gjallë alternativën e një zgjidhjeje politike për izraelitët dhe palestinezët, siç është ajo për të jetuar në dy shtete në paqe dhe siguri”, u shpreh Kryeministri i Norvegjisë.

“Vendimi nuk merret kundër popullit izraelit apo kundër hebrenjve. Nuk është as në favor të Hamasit, por në mbështetje të bashkë-jetesës”, deklaroi Kryeministri i Spanjës.

Përmes rrjetit social X, ministri i Jashtëm izraelit Izrael Katz e quajti vendimin e këtyre vendeve një akt të shpërfytyruar.

Katz tha se këto vendime do të kenë pasoja të rënda. Ndërsa Hamasi mirëpriti vendimin. Shtetin palestinez e kanë njohur deri më sot të paktën 140 vende anëtare të OKB-së por shumë të pakëta janë shtetet perëndimore.

Spanja nuk ka përdorur të njejtat argumente deri më sot për njohjen e Kosovës.

SUBSCRIBE to “RTV KLAN” on YouTube for more videos!

Email: info@tvklan.al

Për më shumë informacione vizitoni faqen tonë web https://tvklan.al/
Videot e fundit nga Tv Klan i gjeni në faqen https://tvklan.al/video/
Follow Tvklan on Facebook: https://www.facebook.com/tvklan/
Follow Tvklan on Instagram: https://www.instagram.com/rtvklan/
Programet e Tv Klan mund t’i ndiqni edhe në faqen https://tvklan.al/programe/

Видео Tv Klan - Spanja, Norvegjia dhe Irlanda njohin Palestinën канала RTV KLAN