5.5. "Бир томонлама ҳаракатланиш йўли"

5.5. "Бир томонлама ҳаракатланиш йўли" Бу белги йўл бошида ўрнатилиб, шу йўлнинг бутун кенглиги бўйича транспорт воситаларининг фақат бир йўналишда ҳаракатланишини жорий қилади. Ушбу белги қўйилган йўлда транспорт воситаларининг орқага қайрилиши тақиқланган. Қайрилиш транспорт воситасининг қарама-қарши ҳаракатланиш бўлагига кириши билан тенглаштирилади ва ушбу қоидабузарлик учун энг кам ойлик иш ҳақининг 10 баравари миқдорида маъмурий жавобгарликка тортилади. Бир томонлама ҳаракатланиш йўлида ҳовли ва йўлга туташ бошқа ёндош ҳудудларга бурилиш мумкин. Бундан ташқари, аҳоли яшайдиган жойларда бир томонлама ҳаракатланиш йўлларининг чап тарафида тўхташ ва тўхтаб туришга рухсат этилади. Бироқ, тўлиқ вазни 3,5 тоннадан ортиқ бўлган юк автомобиллари эса бундай йўлларда фақатгина юк ортиш ёки тушириш учун тўхташи мумкин.

Видео 5.5. "Бир томонлама ҳаракатланиш йўли" канала UZ AvTo Haydovchilar TV