«Мұзбалақ» - Ресми трейлер

Ерте заманда қара ниетті Шегірдің кесірінен жер астындағы абжылан оянып, жер бетіне шығады. Абжылан қазақ ауылын отқа орап, қарсы келгенді жалмап, ел ішіне үрей туғызады. Сол сәтте балапанына қауіп төнгенін сезген ана бүркіт абжыланмен айқасып,оны жер астындағы мекеніне қуып тығады. Ал бүркіт отқа оранған ұядан балапанын алып, алысқа ұшып кетеді. Адам жұтып дәніккен абжылан күн тұтылғанда алып айдаһарға айналып жер бетіне шығатынын білген ауыл адамдары, айдаһарды тек қыран бүркіт қана жеңе алатынын түсініп іздеуге аттанады.Бітімі бөлек қас қыран - Мұзбалақты Ақтай мен Шегір іздеп табады.Бірақ тоғышар Шегір мен ақылды, ақ жүрек Ақтай арасында қыранды баптау туралы екі түрлі көзқарас туындайды. Мұзбалақтың жан дүниесін түсініп,тілін тапқан Ақтай Мұзбалаққа еркіндік сыйлап, онымен адал дос болуға серттеседі. Соңында Ақтай мен Мұзбалақ алып күш иесі айдаһарды жеңіп,Шегірді жазалап, қазақ ауылын қара күштен құтқарып қалады.

Анықтамалық ақпарат:

Атауы: «Мұзбалақ»
Өндірісі: Ш.Айманов атындағы «Қазақфильм» АҚ
Жанры: толықметрлі анимациялық фильм
Тілі: қазақ
Қоюшы-режиссерлері: Тілек Төлеуғазы және Тұрдыбек Майдан
Сценарий авторлары: Ербол Бораншы, Тұрдыбек Майдан, Тілек Төлеуғазы, Адай Әбілда
Қоюшы суретшілері: Адай Әбілда, Тұрдыбек Майдан, Тілек Төлеуғазы
Композиторы: Әсет Даненов
Монтаж: Тілек Төлеуғазы
Фильм директоры: Ербол Бораншы
Дыбыс режиссері: Жеңіс Екпін
Редакторлар: Жамаш Ержанат, Салтанат Дүнгенбаева
Мәтін редакторы: Болат Жетекбай
Дыбыстарды жазған: Сергей Фигнер
Дыбыс үйлестіруші:Виталий Ткаченко

Видео «Мұзбалақ» - Ресми трейлер канала Qazaqfilm / Казахфильм