ИСЛАМНЫҢ ДҰҒАСЫ МЕН ТАҢІРЛІК ЖАНАЗА. АСЫҚПАЙ ҚАРАП ШЫҚ ҚАЗАҚ!!!

ИСЛАМНЫҢ НИЕТ ДҰҒАСЫ:
1 такфирде Имам, ДҰҒАСЫН бастау үшін, «Аллаһу акбар» деп, құлақ қағады.
2 такфирде Аллаһқа Сәнәәука айтады:
О, Аллаһ! Сені таспих етіп күллі жаратылыстан, нұқсан атаулыдан пәктеймін! Саған «хамд» айтып мадақтаймын! Сенен басқа Иллаһ жоқ! Аллаһу акпар.
3 такфирде Фатиха айтылады:
Аса қамқор, ерекше мейірімді Раббының атымен бастаймын. Барлық мақтау бүкіл әлемнің рәббысы Аллаға тән, аса қамқор, ерекше мейірімді, Машһар күннің иесі! Саған ғана құлшылық қыламыз, әрі Сенен ғана жәрдем тілейміз: Бізді тура жолға сала көр, нығыметке бөленгендердің жолына! Қаһарыңа ұшырағандардың жолына емес, Аллаһу акпар.
4 такфирде Тірілер мен Өліге арнап мына дұғаны оқиды:
Аллаһым! Тірілерімізге, өлілерімізге, осы жердегілерге және мұнда болмағандарға, ерлерімізге, әйелдерімізге, кішіміз бен үлкенімізге кешірім ет! Аллаһым! Бізден кімге өмір берсең, соған ислами өмір нәсіп ет! Ал арамыздағы ажалы жеткен құлдарыңның жанын иманмен ала гөр!"

Раббым! Әсіресе мына өліні, рақымға, рақаттыққа, кешірімділікке және бақыттылыққа жеткіз.
Аллаһым! Бұл өлі кісі ізгілік істеген адам болса, Сен оның жақсылығын арттыр. Егер бұл өлі жамандық жасаған болса, жазасын бермей рақым ет. Күнәларын кешір. Бұл өліні қорқыныштан сақта. Рақым-шарапатыңмен сүйіншіле. Оны ақыретте бақыттылыққа бөлеп, жоғары мәртебеге шығар. Ей, рақымдылардың рақымдысы Алла Тағалам!" 

Өлік ЕР не ҚЫЗ бала болса мына дұға оқылады: "Аллаһым! Бұл баланы жәннатта бізді қарсы алушы және ақырет сыйы ет! Аллаһым! Бұл баланы бізге шапағатшы ет және шапағатын қабыл ет!". 
ТАҢІРЛІК ЖАНАЗА ҚҰРАНЫ.
Адамдар жаназа сабына тұрып болған соң: О құрметті жаназа сабында тұрған жанашыр бауырлар, өмірден озған «Пәленше» оңға жатқызылған үш күннен бері, оның: жан ұя, ел жұрт, ағайын туыс, жора жолдас, қызметтес, дос жарандырының алдында ҚАРЫЗЫ жоқ, құдіретті қазақ ұлтының алдында ПАРЫЗЫН өтеген, ақ адал адам екендігі бақуатталғандықтан, ҚҰРМЕТТЕП ЖАНАЗА шығаруға лайық деп табылды. Жақсы адам қашанда жақсы, жаманнан Құдайым сақтасын!

О, Таң-Ірлік Құдайым! Бәрінің бастауы сен, шыр айналған үзілмейтін өмірді жасаған сен, өлім сәттін жасаған сен, ғұмырды жасаған сен, өмірді өмірге жалғаған заңдылықтарды жасаған сен, кереметсің! Сенің заңдарымен толысып мәңгілік өмірдің иесі болған Аруақта керемет!

О, Таң-Ірлік Құдайым! Сенің Денің, Аруақтың кереметімен бейнеленген, пейілі кең, жүзі жарқын, адамгершіліктің ұйығы, орны толмас, Арысымыз «Пәленшенің» дәм тұзы таусылып жарық дүниемен қоштасты.

О, Таң-Ірлік Құдайым! Көзден қисақта, көңілден қимас Ардақтымыз «Пәленшенің» қазасына қайғырып, жүрегіміз езіліп, есіміз ауып есеңгіреп, асылын жоғалтқан Ел, қимасынан айырылған үй-іш, бала-шаға, қабырғасы қайысқан ағайын, көзден аққан жасы көл, құлазыған көңілі «дал» болып, қайғыдан қан жұтып тұрғанына қарамастан, жаназа сабына тұрып аңсарының сөнген Жанына Аза тұтып, өзіңнен тілеу тілеп, сабырға ұйып тұр.

О, Таң-Ірлік Құдайым! Осы жаназа үстінде сұрар тілеуіміз, өмірден озған «Пәленшенің» істеген жақсылығын арттырып, жасаған жамандығы болса кешіріп, Деніңе орап, қасиетті заңдарыңмен көмкеріп, Аруағына үзілмейтін бақуатты өмір беріп, біткен демі, сөнген жаны, тылсым дүниеден берекет тауып ғұмырға ие болып, Аруағы аруланып, артында қалған, ағайын-туыс, құда-жекжат үй іші мен бала-шағасын қорғап қоршап жүрсін.

О, Таң-Ірлік Құдайым! Берекет тілеймін өзіңнен, жақсылыққа толы берекет тілеймін, өмірге берекет тілеймін ақиқатқа толсын, өлімге берекет тілеймін өз уақытында болсын, ғұмырға берекет тілеймін Аруақты дер кезінде ұрпағынан туғызып өмірді өмірге жалғасын, Қазағыма берекет тілеймін көкейлері сабырға ұйып ұшпаққа жетсін, Ұрпағыма берекет тілеймін Ата-баба салтына берік болып намазыңа сай болсын.

О, Таң-Ірлік Құдайым! Жаназаның тілеуін қабыл жасап, сауабын өмірден озған «Пәленшенің» Аруағына беріп, Ел жұрты, бала-шағасын, есен ет!

О, Таң-Ірлік Құдайым! Жаназа Құранымызды қабыл етіп, сауабын марқұмның Аруағына тигізіп, рахымыңа орап мәуелетіп, алдынан жарылқа!

О, Таң-ірлік Құдайым! Елге тыныштық, денге саулық, өлімге сабыр, тірілерге мәуелі өмір силап, ұзағынан сүйіндір!

О, Таң-Ірлік Құдайым! Өмірден озған «Пәленшені», жарық дүниеден, тылсым дүниеге Қидық! (Барлық жаназаға қатысушылар, бар дауыстарымен «ҚИДЫҚ, ҚИДЫҚ, ҚИДЫҚ» деп үш қайтар АЙТАДЫ).

О, Таң-Ірлік Құдайым! Марқұм «Пәленшенің» мәйітіңнің жатқан жері торқа болып, Аруағы тіктеліп, артыңда қалып келуіңнен үміт күтіп отырғандарға жақсылық үйірілсін! Өмін!

Видео ИСЛАМНЫҢ ДҰҒАСЫ МЕН ТАҢІРЛІК ЖАНАЗА. АСЫҚПАЙ ҚАРАП ШЫҚ ҚАЗАҚ!!! канала TОҚТАР АБЫЗ