Сургалтын танилцуулга: "Бүтээлийн концепц хэрхэн боловсруулах"

БҮТЭЭЛИЙН КОНЦЕПЦ ХЭРХЭН БОЛОВСРУУЛАХ ОНОЛ + ДАДЛАГА ХОСОЛСОН 1 ӨДРИЙН СУРГАЛТ = ДР.Ц.ЦЭНДПҮРЭВ

Тус сургалтыг Их Британийн Лийдс Бескеттийн Их Сургуулийн Контемпорэри урлагийн бүтээлийн Магистр, Докторын зэргийг хамгаалсан уран бүтээлч, судлаач Др.Ц.Цэндпүрэв удирдан явуулна.

Др.Ц.Цэндпүрэв нь 2012 онд Монголдоо буцан ирснээс хойш "Контемпорэри урлагийн тухай" цуврал сургалтыг явуулж ирсэн ба нийт 200 гаруй урлаг сонирхогч, мэргэжлийн оюутнууд болон уран бүтээлчид хамрагдсан байна. Тэрээр контемпорэри урлагийн чиглэлээр бүтээхүйн болон судлахуйн ухаанд мэргэшсэн Монголын цөөн тооны дэлхийн түвшинд бэлтгэгдсэн мэргэжилтнүүдийн нэг бөгөөд Их Британи, Монголд нийт 5 бие даасан уран бүтээлийн үзэсгэлэн, АНУ, Финлянд, Их Британи, Монголд нийт 8 хамтарсан үзэсгэлэн, Их Британи болон ХБНГУ-д олон улсын урлагийн төслүүдэд уригдан ажиллаж байсан арвин туршлагатай нэгэн билээ. Др.Ц.Цэндпүрэв нь контемпорэри урлагийн төрлүүд дундаас “Гэрэл зургийн урлаг”, “Видео урлаг”, “Перформанс урлаг”, “Бүтээлийн концепц боловсруулалт”-ын тухай Др.Элизабет Стирлинг, Др.Иса Андерсон, Проф.Жил Морган зэрэг Их Британи, Шведийн тэргүүлэх уран бүтээлч профессоруудаас суралцан эзэмшсэн болно.

СУРГАЛТЫН АГУУЛГА:

10.00-11.30 Бүтээлийн концепцийн тухай үндсэн ойлголт

11.40-13.00 Бүтээлийн концепцийг боловсруулах үе шатууд 1-5 (Бүтээлийн концепцийн үе шатуудыг танилцуулсан материалыг хүн бүрт тараана)

13.00-14.00 Үдийн завсарлага. (Үдийн хоолны зардал сургалтын төлбөрт багтсан)

14.00-15.30 Бүтээлийн концепцийг боловсруулах үе шатууд 6-10

15.40-17.00 Семинар: Бүтээлийн концепцийн боловсруулалтын үе шатуудыг ашиглан зохиомж хийх, мэдлэг туршлагаа бусадтай хуваалцах, сургагч багшаас зөвлөгөө авах

17.00-18.00 Чөлөөт ярилцлага

ЗОРИЛТОТ БҮЛЭГ:

Дүрслэх урлагийн бүх төрлүүд, дизайн, гэрэл зургийн чиглэлээр дагнан болон хавсран ажилладаг уран бүтээлчид, гэрэл зурагчид, оюутнууд болон сонирхогчид. Насны хязгаар байхгүй.

СУРГАЛТЫН ТУХАЙ:

Тус сургалт нь нийт 7 цаг үргэлжлэх бөгөөд онол, дадлагын холимог хэлбэрээр явагдана. Үдийн хоолны завсарлага нь 13.00-14.00 хооронд болох ба шинэ танилуудтайгаа улам дотно танилцах боломж танд олдох болно.

Байршил: “Гурван Гал” Оффис төв, 300 тоот

Хүний багтаамж: 10 хүн

Холбоо барих утас: 80113176

Видео Сургалтын танилцуулга: "Бүтээлийн концепц хэрхэн боловсруулах" канала Vanjil Art Institute