Шишик: ооруга моюн сунба

Бул жумада рак оорусуна каршы күн белгиленди. Ушундан улам мындай ооруга туш болгондордун тагыдыр тууралуу кайрадан программада кеп козгойлу деп чечтик. Бул оору менен эч ким оорубай койсун деп тиленебиз, ошентсе да Улуттук онкология борборунун маалыматы боюнча 2013-жылы беш миң адам ракка чалдыккан, алардын ичинен үч миңге жакыны каза болгон. Кыргызстанда рак оорусун башынан аныктап, алдын алган аппараттардын бардыгы эскиргендиктен иштен чыгып отурат. Ошондуктан оору өөрчүшүп кеткенден кийин гана тилекке каршы илдет менен күрөш башталат. Акыр аягы 60% ооруга моюн сунуп көз жумган. Анын үстүнө шишик оорусу капчыкка да катуу сокку урат. Эгерде колуң жука болуп, илдетти да тартып алсаң, шоруңдун кеткени ошондо.

“Ракка каршы кыймыл” фонду ооругандарга жардам бергенден тышкары, улуттук онкология борборундагы артыкчылык кемчиликтерди да жакшы билет. Фонддун айтканына караганда ооруканада да багы жокко, дагы жок болуп айрым бекер дарылар да акчага сатылып, ал эми таасири аз дарылар күч менен эле кымбат сатылат - деп коррупциялык уюлга ак халатчандарды да күнөөлөшөт. Бирок баарынан кейиштүүсү соңку жылдары онкологиялык ооруга чалдыккан балдардын саны арбып жатат. Оору дагы жашарып, жаш балдар да катарга кошулууда.

Дарыгерлер да дары дармектектер аз болуп жатканын жашырбайт. Учурда Кыргызстанга 30 дарынын 17си гана келет. Онкологиялык илдетке кабылгандар дарыланууга орто эсеп менен жүз миңдеген сомдорун коротот. Шишик оорусуна кабылгандар, аны кантип жеңсе болот Нургуль Жумабекова кененирээк токтолот:

Видео Шишик: ооруга моюн сунба канала КТРК