Tribal archery | WAYANADU | MA MEDIA | Govindan

മൂന്ന് കൊല്ലം മുന്‍പ് ടൂറിസം വകുപ്പിന്റെ നേതൃത്വത്തില്‍ നടക്കുന്ന കൊച്ചി ട്രാവല്‍മാര്‍ട്ടില്‍ വെച്ചാണ് ആദ്യമായി അയാളെ കാണുന്നത്. നീട്ടി വളര്‍ത്തിയ താടിയും മുടിയുമായി ട്രാവല്‍ മാര്‍ട്ടിലെത്തുന്ന വിദേശികളേയും സ്വദേശികളേയും ഒരു പോലെ കയ്യിലെടുക്കുന്ന ആ കാവി ധാരിയെ അന്ന് അവിടെ വെച്ച് പരിചയപ്പെട്ടു. പേര് ഗോവിന്ദന്‍. അമ്പെയ്ത്ത് വിദ്യയില്‍ അഗ്രഗണ്യനായ ഗോവിന്ദന് ട്രാവല്‍ മാര്‍ട്ടില്‍ ഒരു സ്റ്റാളുണ്ട്. അതില്‍ വരുന്നവര്‍ക്കെല്ലാം അദ്ദേഹം അമ്പെയ്ത്തിന്റെ ബാലപാഠങ്ങള്‍ പഠിപ്പിച്ചു കൊടുക്കുന്നു. ആവശ്യമുള്ളവര്‍ക്ക് പരമ്പരാഗതശെലിയില്‍ നിര്‍മ്മിച്ച അമ്പും വില്ലും വാങ്ങുകയും ചെയ്യാം. ടുറിസം വകുപ്പിന്റെ അതിഥിയായാണ് ഗോവിന്ദന്‍ എല്ലാവര്‍ഷവും ഈ പരിപാടിക്കെത്തുന്നത്. വയനാട്ടിലെ എടക്കല്‍ഗുഹയ്ക്കടുത്തുള്ള ആയിരംകൊല്ലി സ്വദേശിയായ ഇദ്ദേഹം ആദിവാസി വിഭാഗമായ വേടസമുദായത്തിലെ കുറുമരില്‍പ്പെട്ടയാളാണ്. പാരമ്പര്യമായി അസ്ത്രവിദ്യയില്‍ അഗ്രഗണ്യരാണ് ഈ വിഭാഗക്കാര്‍. നായാട്ടും കൃഷിയുമാണ് ഇവരുടെ ജീവിതോപാധി. ഇന്ന് ഈ വിഭാഗക്കാര്‍ അത്തരത്തിലുള്ള ജോലിയില്‍ ഏര്‍പ്പെടുന്നത് കുറമാണെങ്കിലും ഗോവിന്ദനും കുടുംബവും അമ്പെയ്ത്ത് പാരമ്പര്യം കാത്തുസൂക്ഷിക്കുകയും അത് മറ്റുള്ളവര്‍ക്ക് പകര്‍ന്ന് കൊടുക്കുകയും ചെയ്യുന്നു. ട്രാവല്‍മാര്‍ട്ടിലൂടെ പ്രശസ്തനായ ഇദ്ദേഹത്തെ തേടി ഇന്ന് നൂറുകണക്കിന് വിദേശികളാണ് വയനാട്ടിലെത്തുന്നത്. അവര്‍ക്കെല്ലാം ഗോവിന്ദന്‍ ഇത് പകര്‍ന്നു കൊടുക്കുകയും ചെയ്യുന്നു. കൊച്ചിയിലെ പരിപാടിയ്ക്കുശേഷം ഈയടുത്ത് വയനാട്ടില്‍ പോയപ്പോള്‍ ഗോവിന്ദന്റെ വീട്ടിലും ഒന്നു സന്ദര്‍ശിച്ചു. വേടസമുദായത്തെക്കുറിച്ചും അമ്പെയ്ത്തിനെക്കുറിച്ചും ഒരുപാട് വിശേഷങ്ങള്‍ അദ്ദേഹം പങ്കുവെയ്ക്കുകയും ചെയ്തു.
യാത്രകള്‍ ഇഷ്ടമാകുന്നുണ്ടെങ്കില്‍ ചാനല്‍ സബ്‌സ്‌ക്രൈബ് ചെയ്യുക.
#wayanadu #govindan #kmanikandan #tribal wayanadu #wayanadu tourism #ayiramkolli #vedar

Видео Tribal archery | WAYANADU | MA MEDIA | Govindan канала Life Of Travel By K Manikandan