Kompüter qrafikasının əsasları Nəzəriyyə

#YasharBekov #KompüterQrafikası #Bizimləöyrən!
11. Kompüter qrafikasının əsasları
Kompüter qrafikasının birinci sistemləri ilk rəqəmsal kompüterlərlə birlikdə meydana gəlib. Kompüter qrafikası proqram və aparat vasitələrinin köməyi ilə müxtəlif formatlı təsvirlərin yaradılması və redaktəsi üçün üsul və vasitələri öyrənir. İlk qrafik proqram Sketchpad adlı proqram olmuşdur.
Kompüter qrafikasının tətbiqini formal olaraq aşağıda göstərilmiş dörd sahəyə ayırmaq olar.
1. İnformasiyanın əks olunması (vizuallaşdırılması). Vizuallaşdırma (Rendering) – üçölçülü fəza modellərinin ikiölçülü müstəvi modelləri şəklində hazırlanması prosesini əhatə edir.
2. Layihələndirmə. Layihələndirmə qurğuların, obyektlərin və s. yaradılma prosesinin əsas mərhələsidir. İlkin maketlərin hazırlanması baha başa gələn və çox uzun bir prosesdir. İlkin mərhələnin sürətli şəkildə aparılması üçün layihə-konstruktor işlərinin avtomatlaşdırılması sistemlərinin proqram təminatları inkişaf etdirilir. Bu proqramlar vasitəsilə obyektlərin müxtəlif bucaqlardan proyeksiyaları ilə bərabər, müxtəlif tərəflərdən üçölçülü həcmlərini müşahidə etmək olar.
3. Modelləşdirmə. Modelləşdirmə dedikdə, proseslərin həyata keçirdiyi və ya hadisələrin baş verdiyi hallarda müxtəlif tip anların imitasiyası başa düşülür.
4. Qrafiki istifadəçi interfeysi. Qrafik interfeys insanla kompüter arasındakı qarşılıqlı əlaqədə üstünlük təşkil edir. İnterfeys dedikdə, kompüter sisteminin elemetləri arasındakı qarşılıqlı əlaqələrin təminatının metod və vasitələrinin məcmusu başa düşülür.

Kompüter qrafikasının əsas analayışları və növləri
(rastr, vektor, üçölçülü və fraktal təsvirlər)

Təsvirin formalaşması üsulundan asılı olaraq, kompüter qrafikası aşağıda göstərilmiş dörd növə ayrılır:
1. Rastr;
2. Vektor;
3. Üçölçülü;
4. Fraktal təsvirlər.

Видео Kompüter qrafikasının əsasları Nəzəriyyə канала Yashar Bekov