15.01.2020. Жетісай ауданы. Ет бағасы неге қымбат?

Жетісай ауданы ет бағасының қымбаттығы жөнінен облыста көш бастап тұр. Бұл туралы жуырда қала базарларында арнайы рейд жүргізген аудан әкімдігі жанынан құрылған бағаны тұрақтандыру жөніндегі жұмысшы топ мүшелері айтты. Шара барысында базар сатушыларына ет бағасын тұрақтандыру, қымбаттауға жол бермеу турасында түсіндіріп, кейбірімен бағаны арзандату бойынша ортақ мәмілеге де келді.

Жесем тісіме кіреді, жемесем түсіме кіреді. Алайда көптеген Жетісайлықтар үшін бүгінде ет тіске емес, түске көбірек кіріп жүр. Себебі, баға шарықтап кеткен. Тіпті арнайы бекітілген шекті бағадан 300 теңгеге қымбат.
Сала басшысы айтқандай, әлеуметтік маңызы бар азық түлік құрамына кіретін сиыр еті қазір Жетісайдың базарларында 1900 теңгеден саталып жатыр. Ал, бағаның дәл бұлай өсуіне сатушылардың да айтар уәжі бар екен. Тасымалға, қасапхананаға , тағы басқасына кететін шығын тым көп дейді олар .

Базар сатушыларына бағаны тұрақтандырудың маңыздылығын тәптіштеп түсіндірген жұмысшы топ мүшелері ақыр соңында сиыр етінің бағасын 100 - 150 теңгеге арзандатуға келісті.

Сондай ақ, шара барысында үстіміздегі жылдың 1 - қаңтарынан бастап әр сатушы онлайн - кассалық аппарат орнату қажет екендігі түсіндірілді.
Әсем Жұмалиева
Бекболат Сатуов
Азат Нысанбаев
АҚПАРАТ
Жетісай ауданы
#SANURTV
#ӘсемЖұмалиева
#БекболатСатуов
#АзатНысанбаев
#Жетісайауданы

Видео 15.01.2020. Жетісай ауданы. Ет бағасы неге қымбат? канала SANUR TV