Əsas xəbərlər 23.12.2020 (Xəbər Saatı) Qarabağdan hər kəsin gözlədiyi XƏBƏR!

Azərbaycan Respublikası Ədliyyə nazirinin əmrinə əsasən, işğaldan azad edilmiş ərazilərdə yerli ədliyyə qurumlarının yeni strukturu və ştat bölgüsünün təsdiq edilməsi ilə əlaqədar müvafiq vəzifələrin icrası barədə verilən təkliflər və müraciətlər nəzərə alınaraq, Xankəndi şəhər icra və probasiya şöbəsinin rəisi vəzifəsinin icrası, Xocalı şəhər icra və probasiya şöbəsinin rəisi, ədliyyə müşaviri Bəşirov Rac Şükür oğluna həvalə edilib.
Oxu24.com bu barədə xocalininsesi.info-ya istinadla məlumat verir.
Xankəndi şəhər icra və probasiya şöbəsinə rəis təyin edilən Rac Bəşirov Beynəlxalq Universitetinin Hüquq fakültəsini bitirib. O, 2003-cü ildən 2008-ci ilə qədər Xocalı rayon İcra Hakimiyyətində Hüquq şöbəsində hüquqşünas vəzifəsində işləyib. 2008-ci ildən indiyə qədər Xocalı şəhər icra və probasiya şöbəsinin rəisi vəzifəsində çalışır. Qeyd edək ki, Rac Bəşirov Xankəndi və Xocalı şəhər icra və probasiya şöbələrinə rəhbərlik edəcək. Hər iki şöbə hələlik Goranboy rayonunun Meşəli qəsəbəsində fəaliyyət göstərir.
29 ildən sonra ilk dəfədir ki, Xankəndində rəsmi quruma Azərbaycan vətəndaşı rəhbər təyin edilib. Artıq Xankəndi şəhər və Kərkicahan qəsəbə sakinlərinin müraciət edə biləcəkləri hüquq orqanı vardır.
Vətən müharibəsində iştirak etmiş və hazırda xidmətini davam etdirən bəzi hərbçilərə aylıq 360 manat veriləcək. Söhbət sentyabrın 27-dən Səfərbərlik və Hərbi Xidmətə Çağırış üzrə Dövlət Xidməti tərəfindən hərbi xidmətə çağırılmış və könüllü cəbhəyə getmiş şəxslərdən gedir.
Bunu Milli Məclisin Hüquq siyasəti və dövlət quruculuğu komitəsinin üzvü Fəzail Ağamalı deyib.

Xəzər TV-nin "Birinci Studiya" verilişinin qonağı olan F.Ağamalı söyləyib ki, sözügedən hərbçilərə hər ay üçün (oktyabr, noyabr, dekabr ayları üçün-red) 360 manat ödəniləcək.
Yəni hər bir hərbçi 3 ay üçün 1080 manat alacaq.
Millət vəkili deyib ki, Prezident İlham Əliyevin xüsusi tapşırığı ilə Maliyyə Nazirliyi tərəfindən bu məqsədlə 50 milyon manat ayrılıb.
Onun sözlərinə görə, dekabrdan sonra da hərbi xidmətini davam etdirən hərbçilərə hər ay üçün 360 manatın ödənilməsi davam etdriləcək.
Ermənistan baş naziri Nikol Paşinyanın istefasına nail olmaq üçün dörd konstitusiya və qanuni mexanizm mövcuddur.
Publika.az xəbər verir ki, bunu müxalifət mitinqində "Daşnaksütyun"un üzvü İşxan Saqatelyan deyib.
O bildirib ki, müxalifət öz məqsədini yalnız konstitusiya metodları ilə həyata keçirəcək.
Birinci seçim - baş nazir istefasını şəxsən elan edir, ikinci yol - parlament növbədənkənar iclas çağırır və Paşinyanın istefası məsələsini müzakirə edir. Üçüncü yol - Baş Prokurorluq xəyanət səbəbi ilə cinayət işi açır, dördüncü yol - hökumət nazirlərin 2/3 hissəsinin tələbi ilə növbədənkənar iclas çağırır və baş nazirin istefasını müzakirə edir.
Saqatelyan müxalifətin dörd istiqamətdə də çalışacağını, təxribatlara qapılmayacaq şəkildə bacarıqlı və məqsədyönlü şəkildə işləyəcəyini bildirib.
Xatırladaq ki, dekabrın 22-də müxalifət genişmiqyaslı aksiyalar günü ilə yanaşı, ümummilli tətil elan edib.
"Kəlbəcərin Ağdaban kəndinin Azərbaycana qaytarılması ətrafında müxtəlif manupulyasiyalar gedir".
Yenisabah.az xəbər verir ki, bu fikirləri Milli Məclisin deputatı, Ana Vətən Partiyasının sədri Fəzail Ağamalı bildirib. 
Fəzail Ağamalı deyib ki, hazırda Kəlbəcərin Ağdaban və ona yaxın kəndlərin ətrafında xoşagəlməz proseslər gedir:
"Möhtərəm, cənab Prezident İlham Əliyevin müdrik və uzaqgörən siyasəti Ağdam və Laçın kimi, Kəlbəcəri də Vətənimizə qovuşdurdu. Şəhid vermədən Kəlbəcər də erməni işğalından azad edildi. Artıq ermənilərin bu və ya digər təxribatlarına, göstərdikləri müqavimətə baxmayaraq, dövlətimiz və onun müvafiq qurumları, xüsusi olaraq, Dövlət Təhlükəsizliyi Xidməti (DTX) həmin ərazilərdə Azərbaycanın suverenliyini reallaşdırmaqda, düşmənin təxribatlarını qətiyyətlə aradan qaldırmaqda, onun müqavimətini ciddi şəkildə qırmaqdadır. 

Təəssüflər olsun ki, indi Kəlbəcərin Ağdaban və ona yaxın kəndlərin ətrafında xoşagəlməz proseslər gedir. 
Xatırlatmaq istərdim ki, Ağdaban kəndi Azərbaycan mədəniyyətinə Dədə Şəmşir kimi nəhəng ustad sənətkar təqdim edib. Bu kəndin sakinləri hər zaman dövlətçiliyimizlə bərabər olublar. 
Təsadüfi deyildi ki, Ağdaban sakinlərinin Ermənistan silahlı qüvvələrinə qarşı göstərmiş olduğu fədəkarlığa görə erməni vandalları tərəfindən 1992-ci il aprelin 7-dən 8-ə keçən gecə soyqırıma məruz qalıblar. Erməni daşnakları Ağdabanın 130-dan çox evini tamamilə yandırdı, 779 nəfər dinc sakinə divan tutuldu, soyqırım nəticəsində 67 nəfər amansızcasına qətlə yetirildi. 
Eyni zamanda 8 nəfər 90-100 yaşlı qoca, 2 azyaşlı uşaq və 7 qadın diri-diri odda yandırıldı. Bu qətliam zamanı 2 nəfər itkin düşdü, 12 nəfər ağır bədən xəsarəti aldı və 5 nəfər girov götürüldü. Belə bir faciə ilə üzləşən Ağdaban SSRİ dövründə anklav şəkildə Ağdərənin ərazisində olmasına baxmayaraq, yenə də bütün rəsmi sənədlərdə Kəlbəcərin kəndi kimi qeyd olunub. İndi bu kəndin Kəlbəcərə qaytarılması ətrafında müxtəlif manupulyasiyalar gedir.

Видео Əsas xəbərlər 23.12.2020 (Xəbər Saatı) Qarabağdan hər kəsin gözlədiyi XƏBƏR! канала Musa Media