Көктөбе ауылында жаңа спорт залы ел игілігіне берілді

Елбасы жас ұрпаққа саналы тәрбие, сапалы білім берудің маңыздылығы мен талаптарын еш уақыта назардан тыс қалдырмаған. Атап айтсақ Шу ауданында 1 қыркүйек жаңа оқу жылының басталу кезеңінде ауданда 47 мектеп қабырғаларында алғашқы қоңырау соғылды.Мұндағы ең маңыздысы біздің балаларымыздың нақ осы білім беру жүйесінде өсетіні, қалыптасатыны және есейетіні баршамызға белгілі. Осындай бағыттарда Шу ауданы Көктөбе ауылындағы қос қара шаңырақта да алғашқы қоңырау үні сыңғырлады. Биылғы жаңа оқу жылына Көктөбе бастауыш мектебінің 1 сыныбына ауылдан 28 жас жеткіншектер алғашқы қадамын жасады. 2889 тұрғылықты халқы бар ауылдық мектепте 2 білім ошағы болса соның бірі осы атаулы 88 оқушысы бар бастауыш мектеп. Олай дейтініміз бұл мектепте спорт залының жоқтығын ескеріп «Болашаққа бағдар: рухани жаңғыру» атты бағдарламалық мақаласын қолдау мақсатында «Туған жерге туыңды тік» акциясы аясында жергілікті кәсіпкер Ерлан Құралбаев өз қаражатына мектепке жапсарлас балаларға спорт залын соғып берді. «Еліміздің ертеңі – жастарда» немесе «Болашақ тірегі жастар» - деген сөз ұғымы тегін айтылмаса керек. Жас буын мықты болса, білімді, мәдениетті,саналы, бойында патриоттық және ұлттық тәрбиесі мол болса, мемлекетіміздің болашағы жарқын, келешегі кемел болатыны анық. Атаулы мектеп оқушылары өздері дайындаған концерттік бағдарламалары мен келген қонақтарға әндерін шырқап, билерін билеп берді.

Видео Көктөбе ауылында жаңа спорт залы ел игілігіне берілді канала Жумахан Чекаев