Paşinyan parlament seçkilərində qalib gəldi - Baku TV

Paşinyan parlament seçkilərində qalib gəldi - Baku TV

Ermənistanda növbədənkənar parlament seçkilərində səslərin 100 faizi hesablanıb.
Bu barədə Ermənistan Mərkəzi Seçki Komissiyasından bildirilib.

Nikol Paşinyanın “Vətəndaş müqaviləsi” Partiyası bütün proqnozları alt-üst edərək böyük fərqlə qalib gəlib.

Sözügedən partiya seçkilərdə 53,92 faiz səs toplayıb. Paşinyanın partiyasına təkbaşına hökuməti formalaşdırmaq üçün 0,08 faiz səs çatmayıb.

Səsvermədə ikinci yeri 21,04 faiz səslə Robert Koçaryanın "Ermənistan" bloku tutub. Üçüncü yerdə 5,23 faiz səslə Serj Sarkisyanın "Şərəfim var" bloku qərarlaşıb.
Paşinyan tərəfdarları artıq qələbəni bayram edərkən əsas müxalifət alyansı olan “Ermənistan” bloku nəticələri rədd edib. Yeri gəlmişkən, ATƏT-in beynəlxalq müşahidəçiləri iyunun 21-də səsverməyə dair ilkin dəyərləndirmə yayacaqlar. Bu seçkilərdə 21 partiya və 4 blok iştirak edib. Parlamentə düşmək üçün partiyalar ən azı 5%, bloklar isə 7% səs toplamalıdır.

Robert Koçaryana gəldikdə isə son saatlara qədər böyük fərqlə qalib gələcəyini əminliklə bildirən keçmiş prezidentin özü hələlik şəxsən nəticələrə münasibət bildirməyib. Onun başçılıq etdiyi blok isə bəyan edib ki, yüzlərlə seçki məntəqələrindən çoxsaylı pozuntular haqda xəbərlər gəlir və bütün şübhələr aradan qalxmayana qədər nəticələri tanımayacaqlar.



Baku.Tv ölkədə və dünyada baş verən ən aktual və maraqlı hadisələr barədə operativ videosujetlər hazırlayaraq auditoriyaya təqdim edir.

Facebookda səhifəmiz:
https://www.facebook.com/www.baku.tv/
https://www.instagram.com/__baku_tv__/
https://baku.tv

Kanalda bütün müəllif hüquqları qorunur.

#BakuTv #Azerbaycan #trend

Видео Paşinyan parlament seçkilərində qalib gəldi - Baku TV канала Baku TV