„მთის ამბების“ მაყურებლები ირინასთვის

© https://mtisambebi.ge/ - 14 წლის ირინა მარტიროსიანს, პატარა გიდს ტაბაწყურიდან, რამდენიმე დღის წინ რომ გაგაცანით, მაყურებლების მხარდაჭერით საჩუქრები გადასცა - სალაშქრო ფეხსაცმელი, ველოსიპედი. კომპანია „გალფის“ მიერ „მთის ამბებისთვის“ მთაში მცხოვრები ბავშვებისთვის გადმოცემული კომპიუტერებიდან ერთი ირინას ვაჩუქეთ, რაც მას სწავლაში, უცხო ენების ცოდნის გაღრმავებასა და ტაბაწყურის პოპულარიზაციაშიც დაეხმარება. წინა ვიდეოდან გახსოვთ - ირინა ყველაზე მეტად დედის ავადმყოფობის გამო წუხდა, მკურნალობას ვერ ახერხებდნენ. ოჯახთან კომუნიკაციის შემდეგ, გადაწყდა, რომ „მთის ამბები“ მაყურებლების ფინანსური მხარდაჭერით, სრულად დააფინანსებს ირინას დედის ჯანმრთელობის მდგომარეობის კვლევას თბილისის ერთ-ერთ საუკეთესო, მაღალტექნოლოგიურ კლინიკაში, რის შემდეგაც მკურნალობაშიც დავეხმარებით ჯანდაცვის სამინისტროსთან შუამდგომლობის და სხვა რესურსების მობილიზების გზით.

Видео „მთის ამბების“ მაყურებლები ირინასთვის канала Mtisambebi / მთის ამბები