Yanis Hamoumen - Ur Ttru

Sous-titres en français disponibles

Paroles et musique : Yanis Hamoumen / Ali Si Ahmed

Chant : Yanis Hamoumen
Guitare : Yanis Hamoumen
Guitare électrique : Jugurtha Boutellis
Basse : Jugurtha Boutellis
Piano : Jugurtha Boutellis

Arrangements : Jugurtha Boutellis
Mix / Mastering : Jugurtha Boutellis

Studio La MuZ 0556921368

Image : Medjkane Photography

Version Karaoké :
https://youtu.be/vrXLiljPO4U

○Yanis Hamoumen, 20 iseggasen, d Mmi-s uMectras id yezgan gar Buγni d iwaḍiyen. Yella mezziy mi yerra lwelhi-s γer uẓawan. Yekcem annar-a acku iwala aṭas n yimeddukal-is n tesdawit i yetturaren aẓawan yelhan, yernu s leḥmala d uramsu (passion). Dayen i t-yeǧǧan ula d netta yenna-d i wacu ala.

Yanis Hamoumen yenna-d : “Greγ tamawt belli deg yiseggasen-a ineggura tuget n yilmezyen id yefkan udem amaynut i tezlit taqbaylit. Ihi ula d nekk ad fkeγ ayla-w”.

Asmi i yemmeslay akked umeddakel-is Ali Si Ahmed (n uMecras am netta) i waken ad t-iεiwen ad isiweḍ izen-is. Dγa ihegga-as-d asefru “Ur ttru”, i yellan d tizlit-is tamezwarut. Seg imiren i yuγal Ali Si Ahmed ixeddem akked ustidyu “La Muz” deg tuget n yisenfaren i waken ad skeflen ugar n yinaẓuren ifazen.

Tura a neǧǧ Yanis Hamoumen ad iḥku s yiman-is amek i d-yesaweḍ ad isufeγ tizlit “Ur ttru“.

“Lliγ d anelmad n tesdawit. Kra iseggasen γer deffir unageγ γer Iwanaken Yeddukklen n Temrikt (USA) i waken ad nadiγ γef yimal, acku ulac-it di tmurt-iw. Maca send (uqbel) ad inigeγ nniγ-asen i yimeddukal-iw, rriγ (bγiγ) ad skelseγ tizlit-iw acku ugadeγ ur d-ttuγaleγ, ad beddleγ neγ ad yiruḥ ayen lliγ. Maca akud (lweqt) yeḥres, yettban-iyi-d am akken d awezɣi (d lmuḥal) ad yilli wannect-a.

Ruḥeɣ am akken uyseɣ armi i d-mlaleγ d ustudyu “La Muz” i yellan d amaynut deg Tizi Wezzu. D win i xedmen amahil s wazal-is. D win i wehan γer wayen akk yellan d atrar. D win yettaken i yilmezyen iqbayliyen tagnit ad rren targit-nsen d tilawt.

Seg imiren, mi asen-ḥkiγ ayen iyi-rḥan send ad ruḥeγ γer Marikan, bdan a xedmen yid-i seg ul. Iεeggalen n “La Muz” fkan-d akk ayen yellan deg tezmert-nsen i waken ad d-teffeγ tezlit-iw tamezwarut “Ur ttru”. Sin deg-sen llan d iminigen, zran acu id yewwi lḥal, ayen i ttḥulfuγ. Gzan (fehmen)-iyi akken iwata. Zran acu iyi-ttraǧun iseggasen imezwura deg yiminig (USA)”.

Yanis Hamoumen yebγa ad yesnemmer Amcic Awṛaɣ d Jugurtha Boutellis n ustudyu “La Muz”. Γur-s am atmaten-is imeqranen s yiwellihen-nsen akked yissemtar (conseils) i s-ttaken yal tikkelt. D nutni i yeǧǧan tizilit-is “Ur ttru” ad teffeγ, ad tufrar.

Yenna-d daγen tanemmirt-nsenγ ef tallelt i ttaken i yal ilemzi i yebγan ad yifrir, d uḍfar-nsen seg ul akked iwellihen-nsen. Slalen-d tamuγli tamaynut deg ufares n tezlatin tiqbayliyin. Daγen sexdamen akk allalen i wulmen i wakken ayen i nxeddem ad yuγal ad yettwasen.

Yanis Hamoumen ikemmel yenna-d:
“D annect-a i yeǧǧan tura ad isineγ tiliẓri TQ5 i yellan, am nekk, deg Marikan ugafa. Tin i d-isεeddayen ahilen igerzen n tγara (qualité). Imi ad εeddiγ di TQ5, anamek-is d akken ayen i xedmeγ igerrez, yesɛa azal. Annect-a d tabγest id iyi-d-trennu“.

Deg tagara yenna-d:
“Γas ulama d ilemzi n 20 iseggasen, bγiγ ad siwḍeγ s ttawil n TQ5 izen-iw i akk inaẓuren iqbayliyen, akked yiṛemmasen (entrepreneurs) iqbayliyen di yal taɣult n tudert. Ad sen-iniγ ddut kan γer sdat war akukru. D acu kan fernet imdanen yelhan akked wid ad tselḥum isenfaren-nwen. Wigi ad ten-afem di yal amkan n umaḍal. Am nekk ufiγ-ten di Canada, am TQ5 Media, deg Tizi Wezzu am “La Muz”, deg uMectras am Ali Si Ahmed. Yal yiwen d tabrikt ad yernu ilmend n lebni n TEQBAYLIT“.

Recueilli par Amcic Awṛaɣ et traduit par Racid At Ali Uqasi pour TQ5 media

Limmer ḥṣiɣ deg ul ad ṛɣeɣ
tilint ur sarwateɣ
deg uɛemmuṛ n tirgin
Ifat-iyi lḥal mi faqeɣ
ifat lḥal dayen ɣeṛqeɣ
di lebḥeṛ n tismin
Ger ifassen-iw asmi kemm-ṭfeɣ
almi tesrafgeḍ i ḥulfeɣ
deg ul-iw ɛeddant temqestin
Surf-iyi aqli sḥasfeɣ
xes ma ẓṛiɣ ad ctaqeɣ
udem-im ur t-ẓeṛṛeɣ lesnin
Ur ttru, ur ttru, 
ur d-selxas lǧerḥ-iw 
s lmelḥ n wallen-im
s ufus-im ay tneṭleḍ 
ul-iw teṛṛiḍ-as timedlin
Tayri-nnaɣ yellan d asaru
tessilwiɣ ul yellan d aẓṛu
tiẓuṛin-is d dwa i umuḍin
Ma d tura yul-itt bu rekku
Ɣas tfat tugi ad tekfu
tessemɣay-d tiferriwin
Atan wul-iw a ijeffel a irennu
S lǧehd-is ad yettṛuẓu
idmaren-iw ibḍa-ten ɣef sin
Yegguma ad yestaɛfu
ɣur-m i t-yurez uḥulfu
ibɣa ad yeddu di lateṛ-im
ɣes temɣeṛ fell-i ad d-terzu
ccib ad yaɣ aqeṛṛu
ad yemlal yiɣes d weglim
Allaɣ-iw ad yehlek ma ttuɣ
i wul amek ad kemm-yettu
amek ad yettu tamuɣli n wallen-im
Ma d tayri-m deg wul ad teẓẓu
ad kemm-ḥemleɣ am ass amenzu
d kemm i d abeḥri n turin
Teṣwir-am tugi ad temḥu
anda ddiɣ yid-i ad teddu
alamma medlent wallen-iw

Видео Yanis Hamoumen - Ur Ttru канала La Muz