Вернасць зямлі бацькоў

Сёлета спаўняецца 90 гадоў з дня нараджэння беларускага савецкага пісьменніка Івана Мікалаевіча Пташнікава. Да гэтай даты супрацоўнікі бібліятэкі імя У.Караткевіча падрыхтавалі электронную выставу-партрэт “Вернасць зямлі бацькоў”, якая адлюстроўвае жыццёвы і творчы шлях празаіка. Вялікая ўвага ў прэзентацыі адзведзена аналізу творчасці юбіляра. Асабліва падкрэсліваецца значнасць постаці Івана Пташнікава ў развіцці беларускай ваеннай прозы і вясковага рамана, яго талент і яскравасць як прадстаўніка свайго пакалення – пакалення дзяцей вайны. Яго пяру належаць раманы “Чакай у далёкіх Грынях”, “Мсціжы”, аповесць “Тартак”, зборнік апавяданняў “Зерне падае не на камень”. Многія творы Пташнікава перакладзеныя на рускую і іншыя мовы, што, без сумнення, сведчыць аб яго прызнанні. А ўзнагароджанне медалём Францыска Скарыны і званне лаўрэата Дзяржаўнай прэміі БССР імя Якуба Коласа яшчэ раз падкрэсліваюць яго асаблівасць сярод іншых пісьменнікаў.

Видео Вернасць зямлі бацькоў канала Новополоцкая ЦБС