Silinmədən izlə!. Bunları XALQA NİYƏ DEMİRLƏR? Qiymət artımı və...

#ElçinAslangil
Ölkə əhalisinin vəziyyəti günü-gündən ağırlaşır. Ərzaq qiymətləri əhalinin gəlirlərinə nisbətdə olduqca yüksəkdir. Hələ bütün bunlara baxmayaraq, yetkili şəxslər, ölkəmizdəki komunal və ya yanacaq qiymətlərini qonşu ölkələrlə müqayisə edirlər. Deyirlər ki, Türkiyədə bu qiymətədi, bizdə bu qiymətə.
İlk olaraq xatırlatmaq yerinə düşər ki, nə Türkiyə, nə də Gürcüstan neft və ya qaz ölkəsi deyil. Bir başqa məsələ isə müqayisə edirsinizsə, gəlin ölkəmizlə Türkiyə arasındakı minimum əməkhaqqının məbləğinə baxaq – Türkiyədə minimum əməkhaqqı 2850 tldir. Bu da, təxminən 557 manat edir. Bunu da bildirmək istəyirəm ki, dana ətini çıxmaq şərti ilə Türkiyədəki ərzaq qiymətləri Azərbaycandakı ərzaq qiymətlərindən çox az fərqlə üstündür. Azərbaycandakı minimum əməkhaqqıdan hamımızın xəbəri var – Möhtərəm və möhtəşəm, əzəmətli və həşəmətli cənablara burdan üzümü tutub soruşuram – Ölkədə işsizlik baş alıb gedir, korupsiyanın bütün məziyyətlərindən özünüz də xəbərdarsınız. İpoteka ilə ev almaq şərtləri dodaq uçuqladır, işsizlik bir başqa zülm, sosial müavinətlərin verilməsi süründürməçilikdən başqa bir şey deyil, üstəlik pandemiya da, insanların həyat şəraitini daha da pisləşdirib. Sualım budur ki, nə etmək istəyirsiniz? Zərərlə işləyən idarə və qurumların kisəsini xalqmı doldurmalıdır? Azəriqazın və Socarın zərərlə işləməsi xalqın günahı deyil. Bahalı avtomobilləri xalq sürmür. Əzəmətli villalarda xalq yaşamır. Yəni bu adlarını çəkdiklərimin zərərinin səbəbini sizlər çox yaxşı bilirsiniz.

Əlaqə: bs.bizden.size@gmail.com

Видео Silinmədən izlə!. Bunları XALQA NİYƏ DEMİRLƏR? Qiymət artımı və... канала Bizdən Sizə