Hipoterapiya Mərkəzindən Hacı Nurana dəstək!

Daun Sindromlu Şəxslərin Reabilitasiya Mərkəzi, “Qayğı” reabilitasiya mərkəzi və Hipoterapiya Mərkəzi Həyat Fondunun rəhbəri Hacı Nurana dəstək aksiyası təşkil edib. Aksiyada iştirak edən serebral iflic, autizm, daun sindromu kimi xəstəliklərdən əziyyət çəkən uşaqlar üçün xüsusi ixtisaslaşmış könüllülər tərəfindən hipoterapiya – atlarla müalicə seansları təşkil olundu. Azərbaycanda Hipoterapiya Mərkəzinin təsisçisi, 4–cü nəsil atçı Sərxan Tağıyevin sözlərinə görə, 5 ildir fəaliyyət göstərən Hipoterapiya Mərkəzi son 1 ildir Həyat Fondu ilə əməkdaşlıq edir. Hipoterapiyanın unikallığı həm fiziki, həm də psixi-emosional baxımdan faydalı olmasındadır. Atlarla müalicə bu cür uşaqlarda ətraf mühitlə harmonik münasibətlərin qurulmasına köməklik göstərir və onlarda motivasiya hissini artırır. Aksiyada iştirak edən Daun Sindromlu Şəxslərin Reabilitasiya Mərkəzinin müdiri Natella Həsənova, “Qayğı” Reabilitasiya Mərkəzinin direktoru Bənövşə Yusifova və Hipoterapiya Mərkəzinin bütün heyəti Hacı Nuranın tezliknən sağ-salamat vətənə qayıtmalarını arzu ediblər.

Видео Hipoterapiya Mərkəzindən Hacı Nurana dəstək! канала Mahmud Rovshanoglu