ҚАЙТАРЫМСЫЗ – ҚАЗА, ҚАЙТАРЫМСЫЗ БИЛЕТТЕР

Алматыда апатқа ұшыраған Bek Air ұшағының екінші пилоты қайтыс болды. Екінші ұшқыш Мейіржан Молдақұлов апат кезінде ауыр жарақат алып, ауруханада түрлі ОТА жасалған. Ұшақ апатынан зардап шеккен ұшқыш 21 қаңтарда ауруханадан шығарылып, бірнеше күннен кейін науқас өз үйінде қайтыс болған. Сонымен қатар Атышулы Bek air әуе компаниясының жолаушыларының дауы әлі күнге дейін шешілмеді. Оған түйіткі жолаушылардың алдын ала алған билеттерінің ақшасы әлі күнге толыққанды қайтарылмағаны. Билет құнын қайтардық деп айтқанымен , компания жолаушыларға қаражат жоқтығын себеп қылып, сатып алынған билет құнын өтемеген. Қаралы күн деп аталған күні Bek Air ұшағының құлауы көптеген заңсыз әрекеттердің әсерінен болғаны күні бүгін белгілі болып отыр. Алайда «даудың басы Дайрабайдың көк сиыры» демекші, мәселенің анық қанығына келсек ұшақ апаты орнында үй түгілі, күрке де болмауы тиіс болып шықты. Ескере кетсек арнайы сараптамалар мен тергеулік жұмыстардыдың қорытындысы бойынша Fokker 100 ұшағының апатқа ұшырауының басты себебі - ұшақтың мұздануы деп анықталды. Мәселе шешілу үшін – айтылу керек. Алайда өкінішке орай BEK AIR әуе компаниясына қатысты мәселе айтылып емес, айқайланып жатса да толыққанды шешімін күні бүгінгедейін таппады.

Видео ҚАЙТАРЫМСЫЗ – ҚАЗА, ҚАЙТАРЫМСЫЗ БИЛЕТТЕР канала Silk Road News