Nega BLOKLANDI va nega blokdan YECHILDI? O'zbekistonda Telegram, Facebook, Youtube, OK.ru blokdami?!

00:00 - TikTok, Twitter, VKontakte va Skype – O’zbekistonda cheklangan ijtimoiy tarmoqlar safiga Telegram, YouTube, Instagram, Facebook va Odnoklassniki kabi platformalar ham qo’shilishiga bir bahya qoldi. Bilgandirsiz, 3-noyabr kuni kechki vaqtda “O‘zkomnazorat” yuqoridagi tarmoqlarni bloklashga ham, soat 21:30 larda cheklovlarni olib tashlashga ham ulgurdi. Sezmay ham qolgan bo’lsangiz, siz uchun xursandmiz.

00:23 - Ammo ta’qiq qo’yilgan 2-3 soat vaqt ichida hayotini internetsiz tasavvur qila olmaydigan, millionlab obunachilarga ega bloger-u, vlogerlar, hattoki faoliyatini Telegramsiz davom ettira olmaydigan turli ishchilar ham o’zlarini qo’yarga joy topisholmadi. Shu qatorda o’zimiz ham.
Bu vaqt internetdagi PR uchun katta harajat qilib yuborgan marketing kompaniyalari ham hayratdan yoqa ushlashdi.

00:53 - Google Play va AppStore do’konlarida ta’qiqlarni chetlab o’tuvchi VPN-ilovalar yuklab olinishi bo’yicha TOPga chiqdi. Telegram messenjeriga PROXYlar o’rnatila boshlandi va yaqinlari bilan aloqani tiklash uchun odamlar biroz eskirgan SMS va oddiy qo’ng’iroqlar rejimiga qaytdi.

01:09 - Soat 21:37 - O‘zbekiston prezidenti matbuot kotibi Sherzod Asadov Telegram kanaliga post joyladi:
«Hukumat ko‘rsatmasiga asosan «O‘zkomnazorat» tomonidan bir yoqlama, uzoqni o‘ylamay qilingan harakat haqida Prezident xabar topdilar. O‘ylaymanki, tez orada barcha tarmoqlarga ulanish tiklanadi».
Bu vaqtga kelib esa hamma ijtimoiy tarmoqlar sekin-asta o’z ish faoliyatini o’nglab olayotgandi.

01:31 - Sherzod Asadovning aytishicha, «Prezident topshirig‘iga asosan Axborotlashtirish va telekommunikatsiyalar sohasida nazorat bo‘yicha davlat inspeksiyasi boshlig‘i G‘olibsher Ziyayev noto‘g‘ri va kelishilmagan xatti-harakatlari uchun egallab turgan vazifasidan chetlatildi, ro‘y bergan holat yuzasidan tergov-surishtiruv harakatlari olib boriladi».

01:50 - Surishtiruv ishlari davom etmoqda. Ammo ba’zi foydalanuvchilarning ijtimoiy tarmoqlardagi fikriga ko’ra, 1 kun o’tib, hali ham YouTube kabi saytlarning ishlashida biroz nosozliklar saqlanib qolgan.

02:00 - Bo’lib o’tgan voqealardan xulosa qilib aytish mumkin-ki, xorijning yirik ijtimoiy tarmoqlari Respublikamiz fuqarolari haqidagi ma’lumotlarini saqlaydigan serverlarini O’zbekistonga ko’chirmagan taqdirda ular cheklanadigan bo’lsa ham, undan avval shu platformalarning analogini ishlab chiqib, yurtdoshlarimiz foydalanishlari uchun taqdim etish kerak. Shunda muhim ishlar ham to’xtab qolmaydi, shaxslarning ma’lumotlari xavfsiz saqlanadi va o’zimizning mukammal ijtimoiy tarmog’imiz bo’lsa, chakki bo’lmasdi albatta.

02:27 - Bu borada siz qanday fikrdasiz? Ijtimoiy tarmoqlardan foydalanishda muammolar yo’qmi? Javoblaringizni Telegramdagi @hashtaguz kanalimizda kutamiz. Hozircha ishlab turibdi, bemalol obuna bo’lishingiz mumkin.

-----------------------------------------

👋🏻 Salom! Meni ismim Jaloliddin Mirzayev. Men kam sonli O'zbek texno bloger/vlogerlaridan biriman hamda "Mening yurtim" (MY5) telekanalidagi #HASHTAG ko'rsatuvi muallif-boshlovchisiman. "JM BLOG" kanalimga obuna bo'ling va eng so'nggi, sara texnoxabarlar video tariqasida sizni gadjetingizga birinchi bo'lib boradi. :)

🔔 Qo'ng'iroqcha tugmasini bosib qo'ying, shunda siz bizning eng yangi videolarimizni o'tkazib yubormaysiz! (Qo'ng'iroqcha tugmasi 🔔 Подписаться belgisi oldida joylashgan).

#ijtimoiytarmoqlar #bloklandi #uzbekistan
-----------------------------------------
📲 Biz ijtimoiy tarmoqlarda faolmiz:
- instagram.com/jaloliddinjm
- facebook.com/jaloliddinjm
- instagram.com/hashtaguz
- tt.com/@hashtaguz
- t.me/hashtaguz
- t.me/jmedia
- www.jm.uz

Видео Nega BLOKLANDI va nega blokdan YECHILDI? O'zbekistonda Telegram, Facebook, Youtube, OK.ru blokdami?! канала JM Blog