Арыстағы әскери қоймадан бір тонна жарылғыш зат небәрі 26 мың теңгеге сатылды

Түркістан облысының Арыс қаласындағы әскери қоймадан бір тонна жарылғыш зат небәрі 26 мың теңгеге сатылды. Яғни, тротилдің бір келісі 26 теңгеден саудаланған. Әзірге сатып алған адамның кім екені белгісіз. Шарт бойынша оның жарылғыш заттарды сақтауға лицензиясы болуы керек екен. Сондай-ақ, ол 10 күн ішінде тауарды қоймадан алып кетуге міндеттелген.
Жарылғыш зат электронды сауда алаңы арқылы сатылған. Оны Индустриялық және инфрақұрылымдық даму министрлігіне қарасты "Қазтехнология" АҚ саудаға шығарған. Ұйым бұл жарылғыш заттар қоғамға қауіп төндірмейді деген тұжырымға келген. Тротилден бөлек түйіршіктелген оқ-дәрілер, металл корпустары мен басқа да жарылғыш зат бөлшектері саудаға қойылған. Олардың құны 13,5 миллион теңгеге бағаланыпты. Заң бойынша, оқ-дәрілер мен жарылғыш заттардың құрамындағы қауіпті заттар алынған соң, оны ары қарай кәдеге жарату үшін сатылымға шығарылады. Түскен қаржы республикалық бюджетке жіберіледі. Ал кәдеге жаратуға келмейтіндері өртеледі.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#тротил #Арыс #жарылыс

Видео Арыстағы әскери қоймадан бір тонна жарылғыш зат небәрі 26 мың теңгеге сатылды канала Информбюро 31