ΠΟΝΤΟΣ - ΚΙΟΛΙΑΛΙ - ΒΕΧΩ ΒΕΧΩ (ΜΕ ΣΤΙΧΟΥΣ)

Έκατσα άπαν σο παπόρ
πάγω σην ξενιτίαν
Το παπόρ δάκρα γόμωσα
την θάλασσαν λαλίαν

Βέχω βέχω ξεροβέχω
κείμαι κά' και ύπνον 'κ' έχω
Και με τ' ομματ' ιμ' τα δάκροπα
το μαξιλάρ' ιμ' βρέχω

Σην ξενιτίαν πούλλοπο μ'
ποίος μα'ειρέυ' και φάει σε
Και ποίος στρων το κρεβατόπο σ'
να κείσαι και κοιμάσαι

Βέχω βέχω ξεροβέχω
κείμαι κά' και ύπνον 'κ' έχω
Και με τ' ομματ' ιμ' τα δάκροπα
το μαξιλάρ' ιμ' βρέχω

Σην ξενιτίαν που θα ζεί
θα έχ' δύο καρδίας
Και σ' έναν θα βάλ' τα τέρτοπα τ'
σ' άλλον τ' αροθυμίας

Βέχω μάνα ξεροβέχω
κρύον επέρα βέχω
Και πουδέν γιατρός 'κ' ευρίεται
να τέρει ντο τέρτ' έχω

Видео ΠΟΝΤΟΣ - ΚΙΟΛΙΑΛΙ - ΒΕΧΩ ΒΕΧΩ (ΜΕ ΣΤΙΧΟΥΣ) канала Τ'ΕΜΕΤΕΡΟΝ ΤΑ ΤΡΑΓΩΔΙΑΣ