Шарындағы селден аман қалған 11 жастағы Зере адам сенгізісіз оқиғамен бөлісті

Шарын шатқалына барып артынша селге ағып жоғалды деген 11 жастағы Зере Ұланқызының аман табылуын қаншама ел тілеп еді. "Шарын" паркінің қызметкерлері оқушыны 18 сағаттан кейін тапты. Төтенше жағдай қызметкерлері де, ел-жұрт та әрі қуанған, әрі таң қалған. Мамандар оқушыны ағызып әкеткен селдің бір метр биіктігімен, селмен ағып барып қосылған Шарын өзенінің тереңдігін ескере отырып оқушы тұрмақ ересек адамның да тірі қалуы екіталай деп баға беріп отыр. Зере екі адамды мерт қылған қауіпті тастан 4 шақырым жердегі өзен жағасынан табылды.
Шарын шатқалындағы селден қаза тапқандарды естіген ел, ендігі суға аққан Зерені тірі көреміз деп ойламадық деп таңқалды. Бір метр биіктікпен тасқп соққан жойқын күшті селдің ізі әлі күнге дейін орылып жатыр. Ақылға салған адамға мұндай қауіпті жағдайда тірі қалуды ойлаудың өзі қиын дейді жақындары.
АРАЙ АДАСПАЕВА, Зеренің әпкесі:
– Тірідей таппаймыз деп ойладық. Ешқандай логикаға сыймайды. топқа бөлінген ғой. Сол қайтыс болғандар Зеремен бірге болыпты. Олар алдында кетіп бара жатқан.
Сел ағызып мерт болған екі адам табылған жерден Зере ағып барып ағысы қатты Шарын өзеніне түскен. Айтуынша өзінің өзен үстінде екенін сонда бірақ біліпті.
ЗЕРЕ ҰЛАНҚЫЗЫ:
– Чистая воданы көрдім значит өзен екенін білдім. аяқ-киіміді шештім. Сумкамды шештім. Расслоабленно жаттым. И су мені жәй алып кетті. Түнде ұйықтадым.
ЗЕРЕНІҢ АНАСЫ:
– Автобусқа ақша постқа ақша. Посттан басқа бері қарай алып келуге ақша деп. сонда олардың міндеті меніңше пагоданы қарап жаңбыр келе жатыр, тоқтатыңдар или төмендегі адамдары шығарыңдар деп айту керек еді. Суып кеткен адамдар бір-біріне. Соны снимать етіп тұрғанша жүгірмей ме?" Айғайламай ма? Көмектеспей ме?!
ҰЛАН ӘБІШОВ, Зеренің әкесі:
– Сөйлессем айтады кішкене ночью было холодно деп. кішкене тоңдым дейді. Бірақ тіземді құшақтап отырғанда кішкене жылындым дейді. Сол таңертең сол айтады күн шыққанда жатқам дейді. Бала ғой өлең айтып отырған кезде адамдары көріп помагите деп айқайладым дейді.
АЗАМАТ ЖҰРТБАЕВ, Алматы облысы ТЖД ресми өкілі:
– Алматы облысы Төтенше жағдайлар Департаментінен жалпы 35 адам 10 техника бір кинологическийрасчет. Жергілікті атқарушы органнан бес техника.
ӘЛІБЕК ШЫНТЕМІР, тілші:
– Жұртшылық жаппай алаңдап Шарын шатқалында жоғалды деген бір оқушы 18 сағаттан соң аман- есен табылды. Қазір жағдайы жақсы дейді дәрігерлер. Іздестіруге жалпы 109 адам жұмылдырылыпты. Қазір тікұшақпен Алматыдағы # 1 Балалар ауруханасына жеткізіледі.
Зеренің әкесінің сөзінше денеснің ауырсынған жерлері енді білініп жатыр. Өйткені кеше дәрінің күшімен білінбеп еді деп отыр. Дәрігерлер жағдайды бақылауға алып отырғандарын айтады. Бас миы шайқалып, аяқтарының терісі сыпырылып түсіпті дейді. Зернің жазылып кетуін қалың көпшілік тілеп отырғаны сөзсіз.
Әлібек Шынтемір, Ринат Абулхайров
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Зере #батыр_қыз #ШарынТрагедиясы

Видео Шарындағы селден аман қалған 11 жастағы Зере адам сенгізісіз оқиғамен бөлісті канала Информбюро 31