Guavira poty - Ñamandu

Autores: Emiliano R. Fernández - Mauricio Cardozo Ocampo.
"Che mbarakami asyete ndepúva
reikuaapaitéva che mba'e mbyasy
aropurahéita ku ahayhuetéva
mombyry opytáva, Guavira poty.

Timbo jero'a tape ári oĩva
upépe vaicha osẽ oñembo'y
che kamba porã ijao hũmíva
ryakuã porãite, Guavira poty.

Caballero pueblo che pepo mopẽva
ikatuve'ỹva ndehegui aveve
mitã tyre'ỹicha chembopadeséva
ahechave'ỹre ku Zavala kue.

Ko'ýte ko'ýte rohechaga'úva
al meno ko'ãgã oikéma ro'y
eju che kamba chemongéra irũva
ani ne ñaña, Guavira poty.

Aníke ere mombyry aimére
ha'e ja'ohoitéma ndouvéi haguã
ani repena ko yvy apére
ndaipóri kuña che rekoviarã.

Che mbarakami asyete ndepúva
emokãna chéve ko che resay
topi chehegui mba'asy añandúva
ahechaga'úgui Guavira poty".

Видео Guavira poty - Ñamandu канала Paraguay Pu