Сурхондарё ДСҚ Equinox миниши учун Молия вазирлигининг хати сохталаштирилгани маълум бўлди

Давлат харидлари порталида Сурхондарё вилояти давлат ҳокимияти ва бошқаруви органлари томонидан амалга оширилган қарийб 3 миллиард сўмлик давлат харидлари ҳақида маълумот берилган. Унга кўра, Сурхондарё вилояти давлат солиқ бошқармаси 349 миллион сўмга Equinox автомобилини харид қилган. Молия вазирлигининг маълум қилишича, уларнинг хати сохталаштирилган.
Давлат харидлари порталида жойлаштирилган ҳужжатларга кўра, Давлат солиқ бошқармасига ушбу русумдаги машинани сотиб олишга Молия вазирлиги рухсат берган.
Маълум бўлишича, Молия вазирлиги аслида Equinox олишга эмас, балки Nexia-3 автомобилини харид қилишга рухсат берган. Давлат харидлари порталига қалбакилаштирилган ҳужжат нусхаси жойлаштирилган.
«Молия вазирлиги томонидан ўтказилган хизмат суриштирувига асосан, ижтимоий тармоқларда жойлаштирилган хат, хусусан, Сурхондарё вилоят Ғазначилигига тақдим этилган Молия вазирлигининг юқорида қайд этилган 2020 йил 9 октябрдаги EC 8724-сонли хати ўзгартирилганлиги, яъни ‘Neksiya-3 русумли’ сўзлари қалбакилаштирилганлиги аниқланди», — дейилади вазирлик хабарида.

Видео Сурхондарё ДСҚ Equinox миниши учун Молия вазирлигининг хати сохталаштирилгани маълум бўлди канала UZBEK TV