СҰМДЫҚ! НУРКАДИЛОВ ШЫНДЫҒЫ АШЫЛДЫ/ҚАЙРАТ ӘКЕСІ ҮШІН КЕК АЛДЫ/ЗАМАНБЕК ӨЛІМІ ӘШКЕРЕ БОЛДЫ!

Бәріңізге ассалаумағалейкум

Заманбек Нұрқаділов ағамыздың ісі қайта қаралмақ. Өлімнен қорықпайтынын айтып, шындықпен күресуге дайын екенін мәлімдеген баласы Қайрат Нұрқаділовтың мақсаты орындала ма? Әкеңнің қазасын мойындамасаң, сені де өлтіреміз дегендер кім? Заманбек Нұрқаділовтың Қара Алмазға қандай қатысы бар? Бұл туралы қорқынышты ақпараттарды сізге Көрген дұрыс

ҚР Бас прокуратурасы жуық арада марқұм Заманбек Нұрқаділовтің қазасына қатысты қылмыстық істі қайта қарамақ. Бұл туралы «Чиновник» Telegram арнасы жазыпты.
«ҚР Бас прокуратурасы жақында Заманбек Нұрқаділовтің қазасына бойынша қылмыстық істі тергеуді қайта

жалғастырады.  Заманбек Нұрқаділовтің мәйіті 2005 жылдың 12 қарашасында өз үйінде табылған. Оның денесінен: жүрек тұсынан 2 оқ және басынан бір оқ ізі анықталған. Ресми: «өз-өзіне қол жұмсау» фактісі деп аталған
Осыған дейін марқұм Заманбек Нұрқаділовтің ұлы Қайрат Нұрқаділов әкесінің қазасына қатысты қылмыстық істі қайта тергеу үшін ҚР Бас прокурутурасына арыз жазғанін мәлімдеген еді.
Саясаткер, мемлекет және қоғам қайраткері Заманбек Нұрқаділов 2005 жылғы 12 қарашада қайтыс болды. Оның үш жерден оқ тиген өлі денесі өз үйінен табылды. Екі оқ жүрек тұсына, бір оқ басына тиген. Нұрқаділовтың өліміне байланысты ашылған іс «өз-өзіне қол жұмсады» деген тұжырыммен жабылды. Әлі күнге дейін марқұмның қазасына қатысты мән-жай жұмбақ күйінде қалып отыр.
Заманбек Нұрқаділовтың ұлы Қайрат Нұрқаділов әкесінің өліміне қатысты 17 жыл бұрын жабылған істі қайта ашып, «халықтың қолдауымен, шындықтың бетін ашамын», деп мәлімдеген. Ол «Уақыт көрсетеді» YouTube арнасына араға көп жыл салып  сұхбат берген. Қайрат Нұрқаділов өз сұхбатында әкесі туралы не деді?
Әкемнің өліміне қатысты шығарылған ресми тұжырыммен келіспеймін. Қайтыс болған кезде Алматының департаменті іс қозғап, мені сонда шақырды. «Сен жәбірленуші боласың. Біз қорытынды шығарған кезде қолыңды қоясың», - деді. Сыртқа шыққан соң пальто киген екі жігіт жолықты. Органда істейтін жігіттер екенін түсіндім. Маған: «Қайрат әкең өзін-өзі өлтірген, сен соған келісесің», - деді. Қорқытып-үркітіп: «Сені өлтіру – шыбынды ұрып өлтіргеннен оңай, бізге проблема емес», - деді. Ойлануға бір тәулік уақыт берді. Ол кезде отбасым бар, балаларым жас. Келесі күні кездестік. Істің қорытындысын дайындап қойған екен. Мен қол қойдым. 17 жылдан бері жүрегіме жүк етіп келемін. Қазір шындықтың ашылатын уақыты келді. Бір апта бұрын Бас Прокуратураға әкемнің өлімін қайта қарауды сұрап хат жаздым. деген еді баласы Қайрат

Сонымен қатар Қайраттың сұхбатта берген, үзік үзік өте өзекті сөздерін сіздерге ұсынуды жөн көріп отырмыз.
Бір күні досымның анасы қайтыс болып, соған көңіл айта барғанымда Иманғали Тасмағанбетовты кездестірдім. Сол кезде ол Алматының әкімі болып келіп жатқан еді. Амандасып, хал-жай сұрасқан соң, менің жұмыссыз жүргенімді естіп, «Жаңадан құрылыс департаментін ашып жатырмын, сен құрылысшысың ғой, сонда кел», - деді. Әкеме кеп айтып едім, ол кісі қуанды. «Имекеңе өзім хабарласып, рахметімді айтам, өзің жұмысыңды адал атқар», - деді.  Ол 2005 жылдың қыркүйек айы болатын. Сол жылы қарашаның бесінде екеуміз соңғы рет жолықтық. Кездескенде желтоқсан айындағы президент сайлауына дайындалып жатқанын айтты. 12 қараша күні әкемді өлтіріп кетті.
***
Жолдасым хабарласты. Кешкі бестің кезі болатын. «Әкеңе бірдеңе болды», - деді. Асығыс әкемнің үйіне тарттым. Ең бірінші болып кіріп барғанда әкем жерде жатты, көп қан болған жоқ. Үстінде кеуде тұсынан аяғына дейін мата жабылған, жанында тапанша жатыр. Басына тиген оқты көрдім. Жарты сағаттың ішінде полиция толып кетті. Криминалисттер келді. Әкемнің денесін көрсетті. «Жүрегінің астына екі оқ атылған, бұл суицид емес, ертең қалай боларын білмейтін, саған айтып жатқаным», - деді маған бір криминалист. Департаменттің бастығы, ҰҚК өкілдері келді. Журналистерді жібреген жоқ. Сағат үште моргке алып кетті. Бізге берген анықтама қағазда «погиб» деп жазған. Қазір ол Мақпалда болуы керек. Мен оған бергенмін.
***
Әкемнің дүние-мүлік жиған жоқ. Маған да жинатпайтын.  Маған «Әділетті бол, пышақтың бір жағы нан, бір жағы қан, біреуден бірдеңе алсаң алдыңнан шығады», - дейтін. Әкем біреуден пара алып, жекешелендіріп алған зауыт-фабрикасы болып, заңсыз байыса, Назарбаевқа қарсы сөйлеген күні-ақ сотталып кететін еді.
***
Әкем Алматының әкімі боп жүргенде, Алтынбек Сәрсенбаев газет редакциясында істеп жүрді. Ол туралы әкем: «Мен бір керемет жігітті таптым, жасы отызда. Оны Назарбаевқа кіріп, министрлікке ұсындым, резюмесін бердім», - деді. Екі аптадан кейін бұрынғы президент өзі шақырып, Алтынбекті Ақпарат министрі етіп қойды. Ол Қазақстандағы ең жас министр еді.
***

Видео СҰМДЫҚ! НУРКАДИЛОВ ШЫНДЫҒЫ АШЫЛДЫ/ҚАЙРАТ ӘКЕСІ ҮШІН КЕК АЛДЫ/ЗАМАНБЕК ӨЛІМІ ӘШКЕРЕ БОЛДЫ! канала KÓRGEN DURYS