Бобомурод Абдуллаев ишида Ўзбекистон нега жим? – O’zbekiston, Қирғизистон - BBC News O'zbek

Бобомурод Абдуллаев ишида Ўзбекистон нега жим? - Бишкекда ҳибсда қолаётган журналист Бобомурод Абдуллаевнинг ёнига адвокатлар қўйилмаяпти, дея ёзмоқда Қирғизистон матбуоти.

10 август куни Бишкекнинг Первомайский туман суди Абдуллаевни 8 сентябрга қадар ҳибсда сақлаш бўйича қарор олган эди.

Шу куни маҳкамага олиб келинган Бобомурод Абдуллаевнинг ўзи журналистларга Ўзбекистон томони уни “Қора Мерган” тахаллуси остида мақолалар ёзаётганликда айблаётганини маълум қилган.

Қирғизистон Давлат Миллий Хавфсизлик Қўмитаси вакили Озодлик радиосининг Қирғиз хизматига Абдуллаев Ўзбекистоннинг расмий сўрови асосида ушланганини тасдиқлаган.

Қирғизистон матбуоти эса журналистнинг адвокатига таяниб, “Абдуллаев Ўзбекистон Республикаси Жиноят кодексининг 158 ва 159-моддалари, яъни “Ўзбекистон Президентига тажовуз қилиш” ҳамда “Ўзбекистон Республикасининг конституциявий тузумига тажовуз қилиш”да айбланаётгани” ҳақида ёзмоқда.

Бир вақтнинг ўзида эса Ўзбекистон томони Бобомурод Абдуллаев иши бўйича сукут сақламоқда.

Ҳозирча Ўзбекистон Абдуллаев қидирувга берилгани ёки у бирор жиноятни содир этишда гумонланаётганини расман тан олган ёки рад этган.

Би-би-си журналистнинг иши бўйича Ўзбекистон Бош прокуратураси матбуот котиби билан боғланди.

Мулозим Жиноят Кодексининг 158 ва 159-моддалари бўйича тергов олиб бориш ваколати Давлат Хавфсизлик Хизматига тегишли экани, бу масалада қўшимча маълумот бўлиши билан хабар қилишини билдирди.

10 август куни Бишкекдаги маҳкамага келтирилган Бобомурод Абдуллаев Тошкент шаҳрининг Мирзо Улуғбек туман суди 23 июль куни унга нисбатан “сиртдан айблов эълон қилиб бўлгани”ни таъкидлаган эди, аммо 12 август куни Жиноят ишлари бўйича Мирзо Улуғбек туман суди расмийси Би-би-сига бундай жиноят иши кўриб чиқилганини рад этди.

BBC News O'zbek янгиликлар каналига хуш келибсиз!

#bbcuzbek Ўзбекистон, (Узбекистан - Uzbekistan - O'zbekiston) Марказий Осиё ва дунё бўйлаб юзлаб мухбирларимиздан келадиган видео янгиликлар ҳар куни мана шу каналда. Нафақат янгиликлар, балки қизиқарли воқеалар, санъат, мусиқа, маданият ва тарих ҳақида бетакрор видео фильмлар учун ҳам каналимизга аъзо бўлинг - https://www.youtube.com/user/bbcuzbek
Вебсаҳифамиз - bbcuzbek.com
Facebook: https://www.facebook.com/bbcnewsuzbek
OK.RU: https://ok.ru/bbcuzbek
Instagram: https://www.instagram.com/bbcuzbek/
Telegram: https://t.me/bbcuzbek
BBC News O'zbek - BBC News O'zbek tilida, onlayn, TV va ijtimoiy tarmoqlarda

Видео Бобомурод Абдуллаев ишида Ўзбекистон нега жим? – O’zbekiston, Қирғизистон - BBC News O'zbek канала BBC Uzbek