មួយម៉ាត់ឈឺចាប់របស់ សំបូរ ណាន ដាក់ទៅ​សហព័ន្ធកីឡា​«ទៅស្លៀកសារ៉ុងទៅ កុំស្លៀកខោអី»-TVFB Online

មួយម៉ាត់ឈឺចាប់របស់ សំបូរ ណាន ដាក់ទៅឲ្យខាងសហព័ន្ធកីឡាកាយវប្បកម្ម និងលំហាត់ប្រាណ «ទៅស្លៀកសារ៉ុងទៅ កុំស្លៀកខោអី»

ភ្នំពេញ៖ បន្ទាប់ពីមានសន្និសីទកាសែត ស្តីពីប្រាក់រង្វាន់កីឡាអន្តរជាតិកាលពីម្សិលមិញរួចមក លោកសំបូរ ណាន កាន់តែឈឺចាប់រឹតតែខ្លាំង ក្រោយពីក្រសួងនិងសហព័ន្ធ បកស្រាយបានត្រឹមតែនិយាយថា ជាគោលការណ៍ និងជាការភ័ន្តច្រឡំ ទៅវិញ។

ក្នុងនោះលោក សំបូរ ណាន បានបង្ហោះក្តីឈឺចាប់ថា ៖ សូមបងប្អូនអានសារខាងក្រោមនេះទាំងអស់គ្នា ហើយយកមកពិចារណាទាំងអស់គ្នាបាទ តើយល់ដូចខ្ញុំទេ កាលឆ្នាំ២០១៦ ហើយនិង២០១៧ មានការស្នើសុំពិសេស កម្មអីតែ២០១៨អត់បានស្នើរសុំ ហើយការអនុក្រិដ្ឋច្បាប់តាំងតែ២០១៥ ទើបអស់លោកមកដឹងនៅឆ្នាំ២០១៩ ថ្ងៃទី០៧ ខែ០៣ វាដូចជាពេកហើយទេដឹង លោកអ្នកធ្វើការទាំងអស់! សូមក្រសួងគ្រប់សណ្ថាប័ណ្ណជួយវិភាគមើលទាំងអស់គ្នាផងបាទ ខ្ញុំចង់បញ្ជាក់ថាបើយើងគ្មានគោលជំហរពិតប្រាកដ សូមទៅស្លៀកសារ៉ុងទៅ កុំស្លៀកខោអី ហើយសូមកុំធ្វើស្រែលើក្បាលអ្នកកីឡាដោយមានក្តីសុខលើគំនរទុក្ខរបស់អ្នកដ៏ទៃ សូមជួយស៊ែម្នក់មួយផងបាទ ខ្ញុំមិនដែលសុំស៊ែទេ តែលើកនេះម្តងចុះ ។

ការលើកឡើងបែបនេះ ក្រោយពីខាងសហព័ន្ធកីឡាកាយវប្បកម្ម និងលំហាត់ប្រាណ បានចេញសេចក្តីប្រកាសព័ត៌មាន កាលពីរសៀលម្សិលមិញថា ៖

សហព័ន្ធសូមជំរាបដំណឹងជូនសាធារណៈជនអោយបានជ្រាបថា ចំពោះបាតុភាពដែលបានកើតឡើងក្នុងពេលបច្ចុប្បន្នតាមបណ្តាញសង្គមហ្វេសបុក ដោយសារមានការភាន់ច្រឡំចំពោះប្រាក់រង្វាន់លើកទឹកចិត្តដល់កីឡាករដែលក្រសួងអនុម័តផ្តល់ក្នុងពេលថ្មីៗនេះកំរឹតមេដាយមាសពិភពលោកមានចំនួនត្រឹមតែ២០លានរៀលតែប៉ុណ្ណោះ។ សូមរំលឹកឡើងវិញថា នាពេលកន្លងមកនៅឆ្នាំ២០១៦ និងឆ្នាំ២០១៧ កីឡាករកាយវប្បកម្មរបស់យើងបានទទួលប្រាក់លើកទឹកក្នុងល័ក្ខខ័ណ្ឌពិសេសពីរលើកពីរាជរដ្ឋាភិបាល ក្នុងនោះមេដាយមាសពិភពលោកទទួលបានចំនួន១២០លានរៀល ដោយឡែកសំរាប់ឆ្នាំ២០១៨នេះ កីឡាករ សំបូរ សុភ័ណ្ឌ បានទទួលមេដាយមាសពីកម្មវិធីប្រកួតជ្រើសរើសជើងឯកកីឡាកាយវប្បកម្មពិភពលោកលើកទី១០ នៅទីក្រុងឈៀងម៉ៃ ព្រះរាជាណាចក្រថៃ។ ក្រសួងមិនបានស្នើសុំប្រាក់រង្វាន់លើកទឹកចិត្តពិសេស យោងតាមអនុក្រឹតលេខ ៥៣២ អនក្រ.បក ចុះថ្ងៃទី២៥ វិច្ឆិកា ២០១៣ ទៀតទេ ដូចនេះកីឡាករត្រូវទទួលបានប្រាក់លើកទឹកតាមសេចក្តីប្រកាសអន្តរក្រសួង លេខ ៧១៦ សហវ.ប្រក ចុះថ្ងៃទី០៧ កក្កដា ២០១៥។
#TVFB
#TVFB_Online
#TVFB_៩៩វិនាទី

សូមចុចលើពាក្យ Subscribe និង ចុចលើសញ្ញាកណ្តឹង ដើម្បីទទួលបានវីដេអូថ្មីៗប្លែកៗ និងព័ត៌មានថ្មីៗ ពី TVFB យើងខ្ញុំ.....

Please Like and Share and don't forget to click on Subscribe and turn the bell on get more videos....

Видео មួយម៉ាត់ឈឺចាប់របស់ សំបូរ ណាន ដាក់ទៅ​សហព័ន្ធកីឡា​«ទៅស្លៀកសារ៉ុងទៅ កុំស្លៀកខោអី»-TVFB Online канала Sovann Rithkin official