Шымкенттегі ең үлкен көлік базарын жабу жұмыстары жалғасып жатыр

Шымкенттегі ең үлкен көлік базарын жабу жұмыстары жалғасып жатыр. Бұл жолы да нөсерлеп жауған жаңбырға қарамастан, жүк көліктері келіп, топырақ шашып тастады. Қарсылық көрсеткен қызметкерлерді тәртіп сақшылары ішке кіргізбей, қарсылық көрсетіп, базар жұмысын біржолата тоқтатты.
Бұл жолы көлік базарын жабуға келген сот орындаушыларының қарқыны күшті. Тіпті нөсерлеп жауған жаңбыр мен қатты соққан жел де кедергі келтірер емес. Қолшатыр ұстаған сот өкілдері сауда орнының кіре-берісіне топырақтың төгілуін қатаң бақылауға алған. Көлік сататын орында жоғары вольтты сымдардың болуы қауіпті деп танылған соң, базар жұмысын тоқтату туралы сот шешімі шыққан.
Асылбек БУХАЕВ, ОҚО сот актілерін орындау департаментінің сот орындаушысы:
Жалға алушының мойнында жеті баласы бар. Азаматша жиырма жылдан бері, базар ашылғалы осында жұмыс жасап келген. Оның айтуынша, электр беруші сызыққа тікелей жақын орналасқан тағы бірнеше кәсіпкерлік нысандары мен тұрғын үйлер бар. Алайда энергетика мамандары неге екені белгісіз бізге ғана шүйлікті дейді.
Осыдан он күн бұрын сот орындаушылары тура осы жағдайда базар алдындағы трассаның қарсы бетіндегі бөлігін жапқан болатын. Ол кезде базардың жабылуына Бадам орман шаруашылығы басшысының жалға алған жерді өзіне қайтарып беру туралы талап арызы себеп болған. Ал жалға берушілер, тіпті, басқыншыларша әрекет еткен.
Айжан БАЙЗАҚОВА, «Жұманов» көлік базарының әкімшісі:
Жалға алушылардың жаппай наразылығы кезінде сот орындаушылары оларға сот шешімін түсіндірмек болды. Алайда, әбден ашуға булыққан адамдар оларды түсінгісі келмеді.
Шымкенттегі көлік базары жиырма жылдан бері жұмыс істеп келеді. Басшылық миллиондаған салықты уақтылы төлеп, жүздеген адамды жұмыспен қамтып отыр. Кәсіпкерлердің айтуынша, базардың жабылуы бар болғаны беделді, ықпалды бәсекелестердің тіміскілік әрекеттері болып табылады.

Видео Шымкенттегі ең үлкен көлік базарын жабу жұмыстары жалғасып жатыр канала Информбюро 31