Пере Тошев, кратко биографско видео

Петар Наумов Тошев (1865 - 4 мај 1912) — македонски национален херој, учесник во македонското револуционерно движење, член и раководител на Македонската револуционерна организација, апостол и совеста на револуционерна Македонија[1] и национален херој.

Пере Наумов Тошев е роден во 1865 година вo Прилеп, во семејство на богати и видни иселеници од Дебарско. Основното образование го завршил во Прилеп, а потоа продолжил да се школува во Солунската машка гимназија, од каде што во 1884 година, поради бунт бил исклучен со група од 12 ученици, меѓу кои и Ѓорче Петров. Во 1884 година завршил VI клас во Пловдивската гимназија. Истата година, во градот Станимака (Асеновград), Пере Тошев, заедно со Спиро Костов од Велес и Владимир Кусев од Прилеп, организирале револуционерен комитет за ослободување на Македонија и Одринско. Исто така, тој бил учесник во обединувањето на Источна Румелија со Бугариja во 1885 година, каде што со неговата чета учествувал во заземањето на градската пошта во Пловдив. Истата година, тој зел учество во Српско-бугарската војна, како доброволец во бугарската армија во одред од 400 македонски доброволци, под команда на Коста Паница. Нападот на неговиот одред бил заслужен за конечниот исход на битката кај Сливница (во близина на Пирот), при што Србите се повлекле. Во битката Пере Тошев бил ранет, а за покажаната храброст бил одликуван со „Орден за храброст“. Од 1892 до 1901 година учителствувал во гимназиите во Прилеп, Скопје, Битола и Солун, сè до Солунската афера во 1901 година, кога заедно со повеќе истакнати револуционери бил уапсен. Притоа, тој бил осуден на 101 година затвор и бил затворен во Подрум Кале (Бодрум Кале) во Мала Азија, но во 1902 година бил амнестиран. Во 1903 година учествувал во Илинденското востание, каде што раководел со Мариовскиот револуционерен реон.

Во 1904 година, по заробувањето на Дамјан Груев од србоманскиот војвода Мицко Крстевски, лично отишол и преговарал со Глигор Соколов (Соколовиќ) Ламев за негово пуштање. По востанието, тој бил еден од главните претставници на Реформската струја и се залагал за широка децентрализација на Организацијата. Исто така, бил делегат на Прилепскиот конгрес во 1904 година, а во 1905 година на Рилскиот конгрес на ВМОРО бил избран за член на Централниот комитет на Организацијата. Од 1910 до 1911 година бил училиштен инспектор на училиштата во Солунскиот округ. Во 1911 година заминал да се лекува во Софија, во клиниката на Стефан Сарафов. На 29 февруари 1912 година ја примил веста за склучувањето сојузен договор меѓу Бугарија и Србија, каде што Македонија била поделена на спорна и беспорна зона. Пере Тошев побарал да биде примен во Народното собрание и ислушан, при што бил уапсен.

Скршен од поделбата на Македонија, тргнал за Прилеп кај своите најблиски, но на 4 мај, на патот за Прилеп, во Дреновската Клисура, бил убиен од турска заседа. Откако бил убиен, Турците го исекле на парчиња и го закопале во каналот покрај патот. По пет дена, роднините го нашле телото на Пере Тошев, но Турците им забраниле да го погребаат во Прилеп. Така, под засилен надзор на Турците, Пере Тошев бил погребан во дворот од црквата во село Фариш. Во 1996 година, неговите посмртни останки биле префрлени во дворот на црквата „Свето Благовештение“ во Прилеп.

Petar (Pere) Toshev (1865-1912) was a Macedonian revolutionary and activist of the Internal Macedonian-Adrianople Revolutionary Organization. Toshev was born in the town of Prilep, then part of the Ottoman Empire. He studied at the Exarchate's school in Prilep and the Men's High School of Salonica (now Thessaloniki). In the period 1892–1893, Toshev worked as a Exarchate teacher together with Dame Gruev in Macedonia. After joining the IMARO, he became an activist. In 1901, Pere was exiled by the Ottoman authorities in Asia Minor. During the Ilinden Uprising in 1903, he led a detachment in the region of Mariovo. Toshev was killed by the Turks in Drenovo, near Kavadarci. He was a delegate at the Prilep Congress of IMARO in 1904. At the Rila Congress of IMARO in 1905 he was elected as a member of the Central Committee of the Organization. In the massization of Serbian propaganda in Macedonia, Pere Toshev attempted to neutralize peacefully the Serbian bands in the area. After the capture of Dame Gruev by the Serbs he personally met Gligor Sokolović, and subsequently Dame Gruev was released. After Ivan Garvanov and Boris Sarafov's murder, he was briefly arrested as a suspected. After the Young Turk Revolution, Pere Toshev opposed the legalization of the Organization. Toshev, Anton Strashimirov and Gyorche Petrov published the newspapers "Konstitutsionna zarya" and "Edinstvo", close to the People's Federative Party (Bulgarian Section). He was murdered by the Turks in 1912.

Видео Пере Тошев, кратко биографско видео канала TheMKDocs - Документарен канал