Кубаныч Сатаев - Ойдогу элес (official/клип2020)

Кубаныч Сатаев - Ойдогу элес

Обону: Марс Шертаев
Сөзү: Кундуз Авашова

Көргөнүм чынбы, өңүмбү, түшпү?
Асманда жанган, жарк эткен күчпү?
Жылдыздуу түндө берген убада
Кай жакта калды, ал эми түшпү?

Чагылган сымал ак сүйүүм өчтү,
Аппак булуттар алыска көчтү.
Чырагым, сулуум кош дей албадың,
Арманга салып кай жакка учтуң?

Кайырма:
Ойдогу элес, чакырсам келбес,
Түшүмдө кыйнайт биз баскан белес.
Арзуунун ырын ырдашкан күндөр,
Жалындап турган жаштыгым келбес...

Чырайлуу элес, каректен кетпес,
Алыска учкан ак куудай элес.
Ырларда жаша айдай периштем,
Аттиң ал күндөр кайрылып келбес.

Видео Кубаныч Сатаев - Ойдогу элес (official/клип2020) канала Muza Media