Milli Məclis buraxılır - AXCP sədri Əli Kərimli şərh edir

Hakim Yeni Azərbaycan Partiyasının deputatlarının (YAP) Milli Məclisin buraxılmasını təklif edəcəyi bildirilir. «Turan» agentliyinin xəbərinə görə, bununla bağlı tövsiyə xarakterli qərar partiyanın bu gün, noyabrın 28-də keçirilən fövqəladə iclasında qəbul edilib.

Agentliyin xəbərinə görə, tövsiyə ölkədə başlayan islahatların və kadr dəyişikliyinin dəstəklənməsinin vacibliyi ilə əsaslandırılıb.

Bu barədə məlumatı APA və başqa yerli saytlar da yayıb.

YAP icra katibinin müavini Siyavuş Novruzov sözügedən qərarı şərh etməkdən imtina edib: «Mətbuat konfransında hər şeyi biləcəksiniz», - o, «Turan» agentliyinə deyib.

YAP Siyasi Şurasının iclasıdır
Noyabrın 28-də, səhər saatlarında Yeni Azərbaycan Partiyası (YAP) Siyasi Şurasının iclası başlayıb.

Bu barədə partiyadan bildiriblər.

Partiyadan Siyasi Şuranın iclasının gündəliyi və müzakirə edilən məsələlərlə bağlı, hələlik, hər hansı açıqlama verilməyib.

«Siyasi Şuranın iclasından sonra, saat 15:00-da YAP-ın sədr müavini-icra katibi Əli Əhmədov mətbuat konfransı keçirəcək»,-deyə bildirilib.

Видео Milli Məclis buraxılır - AXCP sədri Əli Kərimli şərh edir канала AzadliqRadiosu