Qiziqchilikdan Prezidentlikkacha. Vladimir Zelenskiy aslida kim? 🤔

Avval u kinoda prezident rolini ijro etdi, keyin esa bu cho’pchak haqiqatga aylandi. Shoumen, qiziqchi, komik, aktyor, qo’shiqchi, parodist, tele va kinoprodyuser, ssenarist, yurist va siyosatchi endi bu kasblar o’rnini prezidentlik egallaydi. Saylovlarda 73% ovoz to’plab g’olib bo’lgan Vladimir Zelenskiy Ukraina Prezidenti bo’ladi. Innaguratsiyadan so’ng, albatta.
Qiziq, aslida u kim edi, degan savol ko’pchilikda bor. 1978-yilda tug’ilgan ushbu taniqli shaxs hech qaysi partiyaga ham a’zo emas.
U ingliz tiliga ixtisoslashgan maxsus maktabda o’qigan va yoshligidan diplomat bo’lishni orzu qilgan. 16 yoshligida esa Isroil davlatidagi oliy ta’lim muassasasiga o’qishga kirgan biroq, otasining qarshiligi tufayli u yerda o’qimay Ukrainadagi Iqtisodiyot universitetining yuridik fakultetida ta’lim ola boshlagan.
Vladimir Zelenskiy talabalik vaqtidan boshlab K.V.N. tadbirlarida faol ishtirok etadi, keinchalik “Kvartal 95”da hajviy chiqishlar qiladi. Hozirga qadar “Kvartal 95” mavjud va Zelenskiy uning bosh prodyusseridir.
U faoliyati davomida Rossiyaning STS, Ukrainaning 1+1 kanallarida ishlagan hamda “Vecherniy kvartal”, “Tansy so zvyozdami”, “Rasmeshi komika”, “Novaya volna”, “Xochu v Via Gru”, “Xochu k Meladze”, “Liga smexa” kabi ko’plab mashhur ko’rsatuvlar tayyorlashga ham ulgurgan.
Bundan tashqari Zelenskiy 16 ta kinoda ham rol ijro etgan. Filmlari ichidagi eng mashhuri “Sluga naroda” ya’ni xalq xizmatchisi kartinasidir. Unda oddiy tarix o’qituvchisi qanday qilib Ukraina Prezidenti bo’lgani aks ettirilgan. Ana shu vaqtda aktyor o’z hayotini qisman bashorat qilganini kim ham o’ylabdi deysiz.
“Xorton”, “Angry Birds” va “Paddington” filmaridagi bosh qahramonlarga ovoz berib dublyaj sohasida ham ijod qila olgan Ukrainaning yangi Prezidenti Instagram tarmog’ida yanayam tanilishda davom etmoqda. U saylovda g’alaba qozongan kunning o’zida kuzatuvchilarining soni 3.9 milliondan 4.5 milliongacha yetdi. Vladimir Zelenskiy aytgan so’zida turadigan bo’lsa demak ijoddan ancha uzoqlashishi mumkin. Jarayonlarni kuzatamiz.
#VladimirZelenskiy #UkrainaPrezidenti #ZelenskiyKim #ВладимирЗеленский #ЗеленскийКто
-----------------------------------------
📲 Obuna bo'ling:
📸 https://www.instagram.com/jaloliddinjm
💻 https://www.facebook.com/jaloliddinjm
🐦 https://www.twitter.com/jaloliddinjm
🔷 https://www.vk.com/jaloliddinjm
📱 https://t.me/hashtaguz
🌐 http://www.jm.uz

Видео Qiziqchilikdan Prezidentlikkacha. Vladimir Zelenskiy aslida kim? 🤔 канала JM Blog