ايدام العزايم صالونية خضار

- ايدام العزايم
- في قدر نضع ملعقتين اكل كبار زيت طبخ ثم نضع ليه حبه بصل مقطعه ناعم ونحمسها ونضيف لها البهارات الصحيحه عودين قرفه وورقتين من عشبة الشنه وورقتين ورق غار وبعد ماحمستها اضفت لها حبيتين طماطم معصوره مع كم حبة ثوم مفروم ونقلبها زين لين تتسبك ثم اضيف لها علبة معجون طماطم واقلبها لين تنحمس ثم اسكب عليها نص لتر ماء ثم اضيف فوقها كيلو لحم بالعظم مقطع قطع متوسطه واقلبها ثم اغطي غطاء الكاتم عليها وبعد ما اسمع صافره الكاتم تطلع صوت قوي احسب له نص ساعه واول ربع ساعه نار عليه وباقي الوقت نار خفيفه واذا بطبخه بقدر عاد احسب له بعد مايبدا يغلي زين ٤٥دقيقه او ربع ساعه نار عاليه وباقي الوقت نارخفيفه ثم بعد انتهاء مدة طبخه افتح عليه واشيل البهارات الصحيحه واضيف له كيلو خضار مشكله ومقطعه مكعبات متوسطه جزر وبطاط وكوسه وفلفل بارد واي نوع نفضله نضيفه لها واضيف له مكعبات الماجي وملعقه صغيره ملح وملعقه صغيره كركم وملعقه صغيره بودرة الفلفل الحار الاحمر وملعقه اكل بهارات ناعمه ومشكله كلا من(فلفل اسود وكزبره وكمون وثوم مجفف وقرفه وخولنجان )ونقلبها كلها مع اللحم تقليب خفيف ثم نغلق الغطاء عليها ونحسب بقدر الكاتم له ٨دقايق اول اربع دقايق نار عاليه ثم باقي الوقت نار خفيفه واذا بقدر عادي نحسب له ربع ساعه واول الوقت نار عاليه وباقي الوقت نار خفيفه ثم بعد انتهاء الوقت نفتح عليه ونغرفه بطبق التقديم ونقدمه مع رز ابيض او مع خبز وبالف عافيه علينا وعليكم

Видео ايدام العزايم صالونية خضار канала صولا الشهراني