APREL DÖYÜŞLƏRİ DƏRSLİKLƏRƏ SALINA BİLƏR

Aprel döyüşləri barədə məlumatların hərbi dərsliklərə salınmasının böyük əhəmiyyəti var. Prezident, Ali baş komandan İlham Əliyevin bu barədə açıqlamasını mütəxəssislər yüksək qiymətləndirirlər. Hərbi ekspert Şair Ramaldanov deyir ki, hərbi-taktiki baxımdan aprel döyüşləri zamanı aparılan əks-hücum əməliyyatının öyrənilməsi çox vacibdir. Bu döyüşlər zamanı silahlı qüvvəllər döyüşün aparılması, təminat, idarəçilik məsələlərini yüksək peşəkarlıqla yerinə yetiriblər.
“Manqa, bölük, tabor, hətta hərbi hissə səviyyəsində böyük təcrübə qazanılıb və o təcrübə əlbəttə, araşdırılacaq. Tədqiqatların nəticələri olan məlumatlar lazım olan hərbi kitablarda öz əksini tapacaq və bundan sonra da istər hərbi məktəblərdə, istər Ali hərbi məktəblərdə, istər hərbi akademiyada aprel hadisələrində qazanılmış təcrübə kitablarda əks olunaraq, gələcəkdə tədris vəsaiti kimi və tədris vasaitlərində bir təcrübə kimi istifadə olunacaq”.
Ekspertlər hesab edirlər ki, aprel döyüşləri hərbi dərsliklərlə yanaşı, təhsil ocaqlarında da tədris oluna bilər. Çünki bu hadisə Azərbaycan tarixində bir qəhrəmanlıq nümunəsidir və xalq da öz qəhrəmanlarını unutmamalıdır.

Видео APREL DÖYÜŞLƏRİ DƏRSLİKLƏRƏ SALINA BİLƏR канала CBC TV Azerbaijan