Քոչարյանի ու Սերժի Թիմերը Ռուսի Համար Դավաճանության Ալիբի Են Ապահովում․Շանթ Հարությունյան

«Անդրադարձի» հյուրը «Ցեղակրոն» կուսակցության նախագահ Շանթ Հարությունյանն է։ Նրա գնահատմամբ՝ Նախիջևանից Երևանին մեծ վտանգ է սպառնում․ Էրդողանն ու Պուտինը ծրագիր ունեն, որ պետք է 2 շրջան հանձնեն Ադրբեջանին։ «Եթե իրենք ծրագիր ունեն, որ 2 շրջան պետք է տրվի, Սերժը մերժում է, իրենք ծրագիրը փոխելո՞ւ են, չէ, Սերժի՛ն են փոխելու։ Վստահ եմ՝ Նիկոլը չի տալու, բայց իրենք քաղաքականությունից ավելի քիչ հասկացող մարդու են բերում, որ մնա վարչապետ»,-ասում է Շանթ Հարությունյանը։ Իսկ նախկիններն էլ՝ 2-րդ և 3-րդ նախագահների թիմերը Շանթ Հարությունյանի գնահատմամբ՝ ռուսի համար դավաճանության ալիբի են ապահովում։ «Ռուսին ասում են՝ երդվում եմ, Նիկոլին տապալելուց հետո եթե բերես իշխանության, արխային եղի՛ր, քեզ չեմ մեղադրելու դավաճանության մեջ, այլ՝ սրան- նրան, ու շառն էլ կգցեմ հայ ժողովրդի վրա»,-հավելեց Շանթը՝ընդգծելով․ «Ռուսները սպասում են Քոչարյան Անդրանիկի հանձնաժողովի եզրակացությանը, որտեղ չի լինելու ռուսի մեղքը ու դրանից հետո նոր թույլ կտան Հայաստանի դեմ ծրագրված պատերազմը։ Հանձնաժողովը դրա համար են սարքել, ոչ թե, որԿարեն Կարապետյանի նման ասեն՝ տանկի բենզինի մեջ ջո՞ւր է, եղել, թե չէ»։Շանթ Հարությունյանի գնահատմամբ՝ ՌԴ-ն լավ օրից չէ, որ նման ստորությունների է գնում․ նախկին հզորությունը չունի, որ կարողանա զիջումների չգնալ,այդ նախկինում էր, որ գեներալ Շապոշնիկովը կարող էր Թուրքիային ասել, որ երրորդ համաշխարհայինը կսկսի, եթե այս ուղղությամբ որևէ քայլ անեն։«Երևանը դառնալու է թիրախ, տա Աստված՝ սխալվեմ, բայց իշխանություններին մեղադրում եմ, որ գոնե տեսանելի միջոցառումներ չեն իրականացնում, գուցե անվտանգային, պաշտպանական առումով անում են գաղտնի միջոցառումներ, որոնց մասին չգիտեմ, չեմ էլ կարող կարծիք հայտնել, բայց նման բան սպասում եմ։ Եվ Երևանում պետք է տագնապ հայտարարվի։Ավելի լավ է՝ հիմա տագնապ ունենան քաղաքացիները, քան պատերազմից 5 օր առաջ»,-ասում է Շանթ Հարությունյանը։ Ի դեպ, նրա գնահատմամբ՝ նախապատերազմական վիճակում գտնվող Հայաստանում միայն հիմարը կասի՝ ռուսական բազան հանեք։ Հակառակը, բազան պետք է կռվին մասնակցի։Նաև Շանթ Հարությունյանն ասում է, որ Հայաստանում քաղաքական էլիտայում մեկը մեկին մեղադրում է 5-րդ շարասյուն լինելու մեջ, բայց իրենք ամբողջական 5-րդ շարասյուն են միասին։
Մանրամասները՝ տեսանյութում։
ANN - Armenian News Network - Համահայկական Լուրերի Ցանց
https://www.youtube.com/c/ANNmedia
@ArmenianNewsNetwork

Видео Քոչարյանի ու Սերժի Թիմերը Ռուսի Համար Դավաճանության Ալիբի Են Ապահովում․Շանթ Հարությունյան канала Armenian News Network