ЕГІЗ ЖҮРЕК. Роза Рымбаева мен Тасқын Оқапов

Халық әртісі Роза Рымбаева мен оның 23 жыл отасқан сүйікті жары Тасқын Оқапов. Өнер табыстырған қос ғашық бір-бірін бір көргеннен ұнатқан. Содан болар шаңырақ көтеріп өнерлі жанұя болуға шешімді де тез қабылдаған. Атақты дирижер, композитор Тасқын Розаға сахнада үлкен демеу көрсеткен. Сүйікті жарын еске алғанда Роза: «Сахнаға қалай шығу керек, хаыққа қалай сәлем беру керек, не айту керек, не киу керек осының бәрін маған өзі үйретті. Сол берген сабағы, таңдап берген репертуары 40 сахнада жүруімнің басты тірегі»,-дейді. Сондай ақ асыл жар тек сахнада ғана емес үй тұрмысында да халық әртісін көп нәрседен босатқан екен. Бұл туралы бағдарламаның басты кейіпкері көзіне жас ала отырып еске алды. Сонымен қатар бұрын соңды эфирге шықпаған суреттер мен бейне материалдар Роза Қуанышқызының әңгімесімен үйлесім тауып үлкен махаббат оқиғасы қалай өмір сүргенін көз алдымызға алып келеді.
Ән әлемінің ханшайымы құдай қосқан қосағы Тасқынмен 23 жыл бір шаңырақ астында ғұмыр кешті. Өмірдің ащы - тұщысын көріп, тар жолдардан өтіп, енді балаларының қызығын қызықтап, асыл жары Розасымен өнерде де, өмірде де бақытты ғұмыр кешер сәтте тағдыр басқа арнаға бұрылды. Тасқын Розасын, Әлиі мен Мәдиін және өлмес музыкасын тастап мәңгілік сапарға кете барды

Видео ЕГІЗ ЖҮРЕК. Роза Рымбаева мен Тасқын Оқапов канала NBmedia