Утиль алым 50 пайызға қысқарса да, Қазақстанда құралатын көліктің құны өзгеріссіз қалатын болды

Нарықта сатылған көліктердің 65 пайызы Қазақстанда өндірілген. Ал қалған 35 процент көліктердің басым бөлігі премиум авто, яғни қымбат көліктер. Бұл, Индустрия және инфрақұрылымдық даму вице-министрі Марат Қарабаев келтірген статистика. Тіпті Қарабаевтың сөзіне сенсек Қазақстандықтар басқа көліктерге қарағанда Хюндай мен КИАны мінгенді жақсы көреді екен. Ал автобизнес қауымдастығының өкілдері утильалым 50 пайызға азайса да Қазақстанда құрастырылған көліктің құны өзгеріссіз қала беретінін айтады.
Автокөліктер мен ауыл шаруашылығы техникаларына утиль алым 50 пайызға азайғанымен, оның төңірегіндегі дау-дамай тоқтамай тұр. Министрліктергілер отандық автоөндірісті қолдау мақсатында тұрғындарға жеңілдетілген кредит беріп, бюджеттің миллиардтарын шығындағанын ұмытып кеткен көрінеді.
МАРАТ ҚАРАБАЕВ, ҚР Индустрия және инфрақұрылымдық даму вице-министрі:
– Кей кездері шындыққа жатпайтын ұғым қалыптасты. Сол ұғымға біз айтатынымыз ондай мемлекеттен тікелей қаржылық көмек алған емес. Субдсидия да алған емес.
14 мыңға жуық адам жұмыс істейтін қазақстандық автоөндіріс бір көліктің 20 дан 32 пайызына дейін құрастырады екен. Оның үстіне он жылдан асса да отандық маркадағы темір тұлпар шығара алмай келе жатқан үкімет пен өндірушілер ерте ме кеш пе Өзбекстандағыдай өзіміздің автомобиль пайда болады деп сендірді. Ал Қазақстанда құрастырылатын көліктердің бағасы өзгеріссіз қала береді екен.
БЕКНҰР НЕСІПБАЕВ, «Астана Моторс» компаниясының бас директоры:
– Біздің көліктеріміз осы Астана Моторс компаниясы Қазақстанда Хюндай автокөліктерін шығарады. Олардың бағасы арзандамайды. Және де біз осында импорттан БМВ, Хавел, Чели, Субару автокөліктерін импорттан алып келеміз. Ол автокөліктердің бағалары мысалға егер доллардың курсы ыңғайлы болса мысалы лексусқа қараған кезде біздің санауымыз бойынша 3 пайызға бағасы төмендеу керек. Тойото болса 3,94 пайыз төмендеу болады.
Ал халықтың талабы жартылай ғана орындалды деген белсенділер бүгін тағы да брифинг өткізді. Олар ауыл шаруашылығы техникаларына мүлдем утиль алымды тоқтатуды, автокөлік үшін бұл алымды100 мың теңгеге түсіруді, сондай-ақ премьер-министрдің бірінші орынбасары Роман Склярдың отставкаға кетуін талап етіп отыр.
НҰРАДИН САДЫҚОВ, автонарық сарапшысы:
– Соншама керемет жеңілдіктерді жасап әлпештеп отырса да қолынан түк келмейтінін көрсетіп отыр. Сондықтан мұндай автопромның барынан жоғы деп айтуға болады. Егер жасай алса нарықтық бәсекелестік заңдығылығнда жасасын. Оған ешкімнің қарсылығы жоқ. Ал бірақ бұдан былай автопромды қолдан жемдеуді доғару керек деп ойлаймыз.
Жиналғандар үкіметке қойылған талаптары орындалмаса заң аясында наразылыққа шығамыз деп отыр.
Бізді әлеуметтік желіде оқыңыздар:
Youtube -https://www.youtube.com/channel/UCKJIfb3BN2x14J4U30wzLeA/featured?sub_confirmation=1
Facebook - https://www.facebook.com/informburo31/
Instagram - https://instagram.com/informburo31
Vkontakte - https://vk.com/informburo31
TikTok - www.tiktok.com/@informburo31
WhatsApp Информбюро +7 777 331 31 31

#Автонарық #баға #жаңа_көліктер

Видео Утиль алым 50 пайызға қысқарса да, Қазақстанда құралатын көліктің құны өзгеріссіз қалатын болды канала Информбюро 31