Ўзбекистон, меҳнат муҳожирлари: Солиқ тўлаб, пенсияга эга бўлинг - BBC News O'zbek

Ўзбекистон, меҳнат муҳожирлари: Солиқ тўлаб, пенсияга эга бўлинг - BBC News O'zbek

5,600 сўм машмашаси ҳали тугамай туриб ўзбекистонликлар меҳнат муҳожирларининг солиққа тортилиши тўғрисида тарқалган хабарларни қизғин муҳокама қила бошладилар.

Илк тарқалган хабарларда 2021 йил 1 январидан бошлаб хорижда ишлаётган Ўзбекистон фуқаролари ўзини ўзи банд қилган шахслар тоифасига киритилиб, солиққа тортилиши айтилган эди.

Ўз-ўзидан бу хабар ижтимоий тармоқда қизғин фикрлар ирод этилишига сабаб бўлди. Одамлар солиққа тортилмаган нарса қолдими ўзи қабилида саволларни илгари бошладилар.

Расмийлар эса зудлик билан ҳолатга аниқлик киритишга ҳаракат қилдилар.

Маълум этилишича, президент Шавкат Мирзиёев сентябрь ойида имзолаган қарор билан меҳнат муҳожирлари ўзини ўзи банд қилган шахсларга тенглаштирилган ва ижтимоий солиқ тўлаш орқали уларга пенсия олиш ҳуқуқи берилган.

Расмийларнинг изоҳига кўра, хорижда меҳнат қилаётган ўзбекистонлик ёшга доир пенсия олиш учун мажбурий эмас, балки мутлақо ихтиёрий тартибда Пенсия жамғармасига ижтимоий тўлов тўлаши мумкин.

Яъни меҳнат муҳожири кексалик чоғида пенсия олишни истаса, ўз хоҳиши билан Пенсия жамғармасига ҳар йили бадал тўлаб бориши мумкин.

Бандлик ва меҳнат муносабатлари вазирининг биринчи ўринбосари Эркин Муҳитдиновнинг сўзларига кўра, бу янгилик пенсия ёшига яқинлашиб қолган меҳнат муҳожирлари учун яхши имкониятдир.

9 ноябрь куни айни масала юзасидан ўтказилган матбуот анжуманида масъуллар ушбу қарордан асосий мақсад хорижда меҳнат қилаётган ватандошларнинг Ўзбекистонга қайтганидан сўнг ижтимоий ҳимоясиз қолиб кетмаслигини таъминлаш эканини билдирдилар. https://youtu.be/RagsLtmrRjA

BBC News O'zbek янгиликлар каналига хуш келибсиз!

#bbcuzbek Ўзбекистон, Марказий Осиё ва дунё бўйлаб юзлаб мухбирларимиздан келадиган видео янгиликлар ҳар куни мана шу каналда. Нафақат янгиликлар, балки қизиқарли воқеалар, санъат, мусиқа, маданият ва тарих ҳақида бетакрор видео фильмлар учун ҳам каналимизга аъзо бўлинг - https://www.youtube.com/user/bbcuzbek
Вебсаҳифамиз - bbcuzbek.com
Facebook: https://www.facebook.com/bbcnewsuzbek
OK.RU: https://ok.ru/bbcuzbek
Instagram: https://www.instagram.com/bbcuzbek/
Telegram: https://t.me/bbcuzbek
BBC News O'zbek - BBC News O'zbek tilida, onlayn, TV va ijtimoiy tarmoqlarda
Узбекистан - Uzbekistan - O'zbekiston - Узбекистон

Видео Ўзбекистон, меҳнат муҳожирлари: Солиқ тўлаб, пенсияга эга бўлинг - BBC News O'zbek канала BBC Uzbek