Balaş Azəroğlu - "Mən də səndən doymaram" / Türkay Cəfərli

"Mən də səndən doymaram"

Sən narın yağış kimi
Elə hopmusan qəlbimə
Sakit-sakit,aram-aram
Yağış yağar yer doymaz
Məndə səndən doymaram
Gözüm gözündən doymaz
Qulağım səsindən...
Sinəm nəfəsindən...
Deyirlər bu dünyada ən ülvi sevgi,
Səssiz, sözsüz məhəbbətdir...
Axı dilə-ağıza salmaz sevən-sevəni.
Mənə də sənin eşqin kifayətdir.
Nəyə lazım hamı bilə, sevirəm səni.
İstəmirəm şıdırğı yağış kimi,
Selə suya dönəsən...
Ya da şimşək olub,
Tez çaxıb, tez də sönəsən...
Mən də nə yağışına islana bilim,
Nə oduna yana bilim...
Neynirik nağıl olub,
Dillərə düşən şöhrəti...
Neynirik dağ çayına,
Dönən məhəbbəti...
Yamacda hay qopara
Səhrada nə səsi, nə izi qala.
Ürəklərə hopmuya,
Hər yanda sözü qala.
Sən elə narın yağış ol əzizim,
Yağ sakit-sakit, aram-aram.
Yağış yağar yer doymaz,
Məndə səndən doymaram...

#TürkayCəfərli #BalashMirzabey #Racool Studio
#Mədəniyyət #Bakı #Azərbaycan #seir #BalaşAzəroğlu #şeir

Diqqqət! Müəllif hüquqları qorunur! Materialın təkrar paylaşılması yolverilməzdir. Materiala aid hər hansı məlumatdan istifadə etdikdə istinad üçün keçid vermək lazımdır.

Operator: Əfqan Telmanoğlu
Layihə rəhbəri: Balash Mirzabey
Studio: Racool Studio
Reklam üçün əlaqə: (tel/vatsap) 055 323 27 52
Instagram - https://www.instagram.com/racoolstudio

Видео Balaş Azəroğlu - "Mən də səndən doymaram" / Türkay Cəfərli канала Rac Story