Dhikala Mein Entry aur Dhangari ka Museum | Discover Wild Paws Hindi Jim Corbett Series 4K

Aaiye shuruaat karte hain ek nayi series ki. Humare sabse pyaare jungle, Dhikala ki. Jim Corbett ka ye ye Zone sirf ek jungle ka hissa nahi, ek bhavna hai. Aur mujhe poora yakeen hain ki Hindustan mein kayi dil sirf Dhikala ka naam sunke hi dhadakne lag jaate hain. Agar ek lauta aisa koi wildlife experience hai jiski tulna nahi ki jaa sakti, toh wo sirf aur sirf Dhikala hi hai.

Aur hum bhi yahan dedh saal ke baad wapas aa rahe the. Pichle dedh salon mein Dhikala ne apne rang kayi baar badle. Ye March ke mahine ki series hai aur garmiyon se kuch hi mahine duur, janwaron ka rawaiyaa bhi alag sa tha.

Jab hum pehli baar Dhikala night stay mein aaye the toh grassland wali ke bachon ko dekhne wali pehli gaadi the. Aur ab, wahi bache bade bade baagh ban gaye hain aur Dhikala ke campus ke aas pas dhoom macha rahe hain. Wo dono bhai itne nidar hain ki kuch time pehle ek video viral hui thi, jisme wo haathi ko bhaga rahe the.

Pichli series mein humne ye toh bataya tha ki ye Dhangari gate ka museum naya bana hai, par andar se nahi dikhaya tha. Iss baar, hum aapko andar leke chalte hain. Museum jaane ki ticket sau rupay ki hai par itne mein aap 20-30 minute ache se Corbett ke baare mein jaan sakte hain aur yahan ka itihaas bhi samajh sakte hain.

Jim Corbett ki ek baat bohot achi hai ki yahan ka van vibhag humesha iss park ko behtar banane mein lage rehte hain. Van ki suraksha ke saath wo aane wale tourists ke baare mein bhi sochte hain.

Kayi log aisa maante hain ki wildlife ki asli duniya sirf Africa mein hai. Par Dhikala bhi kisi se kam nai. Aur van vibhag ke prayason se ye aur behtar hota jaega. Hume khud bhi dedh saal mein fark saaf dikhayi de raha tha.
Toh main gate se ticket leke aapko yahan aana hai aur guard ko apna ticket dikha ke andar jaana hai. Pehle ye museum itna bada nahi tha, par ab jab se ye naya bana hai, isme kaafi alag alag sections ban gaye hain.
Deewar pe bohot si tasveerein thi aur unke baare mein bhi likha tha. Humne zyada likhe hue aksharon pe dhyaan nahi diya kyunki hum chahte hain ki aap jab yahan aayen, toh khud apni aankhon se dekhen aur padhen. Par haan, ek cheez hai, jo hum aapko zaroor dikhana chahte hain.
Aapko ye baagh dikhayi de raha hai ? Ye sach much ke baagh ki khaal se bana hai. Aur isse bhi mazedaar cheez hai ki neeche padhe board pe inn baaghon ki maut ki kahaani bhi likhi hui hai.
Kuch aapas mein ladke mare, kuch haathi se bhiddh ke aur kuch budhape se. Iss video mein bhale hi samajh na aa raha ho, par saamne se dekh ke pata chalta hai ki asli mein baagh kitna bada hota hai.
Iss section mein azaadi se pehle ke samay ka baaghon ka itihaas dikhaya gaya hai. Uss samay, shikaar ek khel tha, aur har saal hazaron baagh maare jaate the. Aur unki khaal ek trophy ki tarah rajaon aur angrezon ke ghar pe rakhi rehti thi.
Agle hisse mein corbett ke jungle ke baare mein bataya gaya hai. Aap mein se kayi logon ko pehle se pata hoga, ki Corbett ka jungle Sal ke pedhon se bhara hua hai. Yahan behti ram ganga itni paavan aur saaf hai, ki uske behne ki awaaz se lagta hai jaise jungle koi geet suna raha ho.
Aur aapko ye bhi pata hoga ki dhikala mein teen tarah ke lands hai, grassland, wetlands aur woodlands. Aur inn teeno mein se sabse achi jagah baagh ko dekhne ki sirf grassland hai. Jab garmiyon mein ghaans kam hoti hai toh baagh aisa dikhta hai, ki bass dekhte hi reh jao.
Chaliye agli taxidermy dikhate hain. Taxidermy ka matlab hota hai, ki mare hue janwaron ki khaal ko bharke usse jaanwar ke aakar ka banana. Ye nar baagh lagbhag 3 meter lamba hoga. Iski jaan poori raat haathi se bhidne se hui thi. Jungle mein haathi sabse vishaal aur takatwar hote hain. Par baagh ko bhagwaan ne ek aisi quality di hai, jo kayi insaanon ka jeevan kaisa hoga, wo decide karti hai. Aur uss quality ka naam hai – AtmBharosa
Ek baagh kisi se bhi nahi darta. Kisi se bhi nahi. Iska matlab ye nahi ki wo apne saamne aaye har ek jeev pe humla kar dega. Yaad rahe, ki baagh bohot hi shaatir jaanwar hai. Warna 50 se 80 km ke shetra pe raaj karna mamuli baat hai kya?
Hume baaghon se bohot pyaar hai aur hum jaante hain, ki ek na ek din unki jaan bhi jaegi. Chahe wo budhape se ho, ya kisi dusre baagh se ladke. Par baaghon ki taxidermy dekh ke toh bass dukh hi hota hai. Kyunki agar baagh ke bachon ko bade baagh ne bhi maara ho, toh uska kaaran bhi wahi hai, jungle ke shetra ka kam hona.
Agar baagh ko rehne ki jagah hi nahi milegi, toh unhe majboori mein ek dusre ke aas paas rehna hoga aur isse Dheere Dheere wo aapas mein bhidke marr jaenge.

If you liked this video, please subscribe to our channel Discover Wild Paws:
https://www.youtube.com/channel/UCLksWPFgTVerROGS7nlnL7w?sub_confirmation=1

Social Media Links:
Instagram: https://www.instagram.com/discoverwildpaws/
Twitter: https://twitter.com/DiscoverPaws
LinkedIn: https://www.linkedin.com/company/discover-wild-paws
Facebook: https://www.facebook.com/Discoverwildpaws

#wild #attack #animals #cruelty #crocodile #shorts #leoaprd #africa #discoverwildpaws

Видео Dhikala Mein Entry aur Dhangari ka Museum | Discover Wild Paws Hindi Jim Corbett Series 4K канала Discover Wild Paws