Mayor Vico Speech | ANG BAGONG PASIG URBAN SETTLEMENTS OFFICE | Bonifacio Day Pasig City (2020)

(Speech about our Housing Program starts @3:50)

Pinaglaban nina Andres Bonifacio ang kasarinlan ng ating bayan at ang karapatang pantao ng bawat Pilipino.

Kanina, pagkatapos ng maiksing pagdiriwang sa ika-157 kaarawan ni Gat ANDRES BONIFACIO, pinirmahan ko ang magkakambal na ordinansa patungkol sa programang PABAHAY ng lokal na pamahalaan. Karapatan ng bawat isang tao ang maayos na tahanan.

1. An Ordinance Creating the Pasig Urban Settlements Office; at ang

2. Pasig City Socialized Housing and Urban Community Development Code of 2020

Makasaysayan ang dalawang ordinansa na ito para sa ating lungsod:

Una, bunga ito ng karanasan ng Pasig sa pabahay. Ipinapakita natin dito na natututo tayo sa mga pagkakamali noong nakaraan, katulad ng madaliang relokasyon na hindi pa maayos ang mga pangunahing pangangailangan (tubig, kuryente, kabuhayan) sa paglilipatan.. kung saan marami ang nagbabalikan lang.. samantalang sa in-city socialized housing ay laging nakakalamang ang "malalakas" at marami sa kanila ang nakakakuha ng hindi lang 1 unit, kundi 2 o 3 unit sa pabahay (imbis na mapunta ito sa higit na nangangailangan).

"Move forward but don't forget the lessons of the past." Hindi yung move on lang ng move on, tapos paulit-ulit tayo sa mga pagkakamali.

Pangalawa, nagbibigay ito ng matibay na pundasyon sa mga proyekto natin sa susunod na mga taon. Nakapaloob dito ang mga prinsipyo, istruktura at proseso, at mga prayoridad ng programa.

Gaya ng parati natin sinasabi, PRAYORIDAD NATIN SA PABAHAY ANG MGA NAKATIRA SA DANGER ZONES at WATERWAYS, dahil kasalanan din naman ng gobyerno kung bakit sila dumami ng dumami doon sa tagal ng panahon. Para ito sa kaligtasan ng lahat.

Meron tayong long-term plan para rito. Naantala ng konti dahil sa Covid, ngunit malaki na rin ang progreso natin. lalo na sa mga negosasyon para sa pagbili ng lupang tatayuan ng housing at pag-oorganisa ng mga grupong nasa danger zone at lugar na for-CMP (hindi dapat paisa-isa ang aplikasyon sa pabahay rito, para maiwasan ang palakasan).

Ang aking taus-pusong pasasalamat at congratulations kina Kon. Rodrigo Asilo (introducer) at sa buong Sanggunian, G. Ricardo Reyes ng Task Force Pabahay, at kay Cong. Roman Romulo na malaki ang bahagi sa groundwork na ginawa natin para maipasa ang ordinansang ito.

#PasigCity #UmaagosAngPagasa

Видео Mayor Vico Speech | ANG BAGONG PASIG URBAN SETTLEMENTS OFFICE | Bonifacio Day Pasig City (2020) канала Vico Sotto