İki tanınmış siyasətçinin mövqe davası! Natiq Cəfərli Abutalıb Səmədova qarşı! CANLI

Rusların Xankəndindəki 9 may paradını necə əngəlləyək? - Natiq Cəfərli ilə Abutalıb Səmədov "Canlı debat"da

Müharibə canisi Araik Arutyunyan Moskvadan sındırılmış şəkildə qayıtdı, erməniləri ittiham etdi- Qarabağdakı ermən toplumun “rəhbəri” kimi tanınan Araik Arutyunyan Moskvadan qayıdıb və Xankəndində bəzi etiraflarla çıxış edib. Araik hansısa “nazirlikdə” keçirdiyi müşavirədə Qarabağ müharibəsinin başlanmasının səbəbləri haqda danışıb, bunda erməni tərəfinin günahkar olduğunu etiraf edib. Və bildirib ki, müharibəni uduzacaqları hələ oktyabrın əvvəllərində ona aydın idi. Sitat: "Lakin Ermənistanın siyasi qüvvələri döyüş əməliyyatlarının tezliklə dayandırılması barədə konsesunsa gələ bilmədilər. Həmin günlər bir çox siyasi qüvvələr hərbi əməliyyatların dayandırılmasını satqınlıq hesab edirdilər”.
İndi o, müharibədəki məğlubiyyətlərini “keçmişdə yol verilən səhvlərlə” izah edir. Bildirir ki, erməni hərbi-siyasi rəhbərliyi 1994-cü ildə atəşkəsin əldə olunmasından sonra “dünya praktikasından” dərs çıxarmadılar və danışıqlar prosesində üstünlüyə malik olduqları halda daha əlverişli həllə nail ola bilmədilər. Araik erməni tərəfinin məğlubiyyətinin onun güzəştsiz mövqeyi ilə bağlı olduğunu da deyir. “Çünki biz daim təkrar edirdik: bir qarış da torpaq vermərik”,-o bildirib. Moskvadan qayıdan Arutyunyan Qarabağ ermənilərinin və Ermənistanın gələcəyinin ancaq Rusiya ilə bağlı olduğunu da deyib. Araikin Moskvadan qayıtdıqdan sonra verdiyi bu açıqlamaların mənası nədir, onun pərdəarxasında nələr var? Prinsipcə, “Moskvadan ağıllanıb qayıdıb” da demək olar. Amma bu bir hiyləğər erməni gedişi də ola bilər. Moskvadan qayıtdıqdan sonra radikal mövqe sərgiləsəydi, rəylər daha fərqli ola bilərdi.
Amma Azərbaycan insanı 9 mayda Xankəndidə keçiriləcək hərbi parad və bunun fonunda Rusiyanın bizə meydan oxuması xəbəri ilə razılaşmır. Belə ki, bunun qarşısının alınması üçün lazımi addımların atılmasını tələb edir. Olacaqmı bu addımlar?
İşğaldan azad edilmiş torpaqların icarəyə verilməsi ilə bağlı Prezident fərmanı verildi: hədəflər nədir? Artıq türkiyəli iş adamları hətta əkinə belə başlayıblar. Xüsusilə bol su, çaylara yaxın ərazilərdə kənd təsərrüfatının dirçəldilməsi persepektivləri yüksəkdir. Aqrar ölkələrin bu torpaqları icarəyə götürməsinin perspektivləri nə ola bilər?
Alimpaşa Məmmədovun “passiv rüşvətxorluğu” nədən xəbər verir? Barəsində həbs qərarı verilən Şəmkirin sabiq icra başçısına digər həbs edilənlərdən fərqli olaraq, “passiv rüşvətxorluq” ittihamı verildi. Passiv rüşvətxorluq nə deməkdir? Bu onun cinayət əməlini nə qədər yüngülləşdirir?
Bu və gündəmdəki digər mövzuları "Canlı debat"da ReAL Partiyasının icra katibi Natiq Cəfərli ilə Azərbaycan Naminə Alyans Partiyasının sədri Abutalıb Səmədov müzakirə edirik

Видео İki tanınmış siyasətçinin mövqe davası! Natiq Cəfərli Abutalıb Səmədova qarşı! CANLI канала TV Musavat