Шавкат Мирзиёев Тошкент вилояти сайловчилари билан учрашди

Ўзбекистон Республикаси Президентлигига номзод Шавкат Мирзиёев Тошкент вилояти сайловчилари билан учрашди ва ўзининг сайловолди дастури юзасидан маъруза қилди.
Учрашувда партия аъзолари, туман студияларидаги сайловчилар билан самимий мулоқот бўлди. Улар вилоятдаги ўзгаришларни қайд этиб, ўз фикр ва таклифларни билдирди. Шавкат Мирзиёев бу таклифларни қўллаб-қувватлаб, уларни амалга оширишга сўз берди.
Юқори Чирчиқ туманида “Astrum” IT aкадемияси очилди. Давлатимиз раҳбари Тошкент вилоятига сафари чоғида бу ерда яратилган шароитларни кўздан кечирди.
Уч қаватли бино замонавий жиҳозланган, 700 тадан ортиқ компьютер билан таъминланган. Ёшлар аввал дастурлашни ўрганиб, кейин шу соҳада ишлайди.
Ҳозирги кунда академияда ўқиш истагида бўлган ёшлар саралаб олинмоқда. Президентимиз улар билан суҳбатлашди.
Давлатимиз раҳбари шу йил 18 март куни Чирчиқ шаҳридаги Ифтихор маҳалласида бўлганида, одамлардан ҳудуддаги муаммоларни сўраб, уларни ҳал этиш бўйича вазифалар белгилаган эди.
Шундан сўнг маҳалла бутунлай ўзгарди. 16 та кўп қаватли уйнинг коммунал тармоқлари ва ташқи қиёфаси янгиланди. Болалар ўйингоҳлари, спорт майдончалари, автотураргоҳлар ташкил этилди. Боғча ва мактаб капитал таъмирланди. Ҳудуд ободонлаштирилди.
Бугун Президент бу ердаги бунёдкорлик ишларини кўздан кечирди.
Давлатимиз раҳбари Чирчиқ шаҳридаги “Кимёгарлар” маданият саройини бориб кўрди.
Жорий йилда маданият саройи таъмирланди. Бино ва фаввора асл ҳолини сақлаган ҳолда реставрация қилинди.
Президентимиз бу ерда яратилган шароитлар билан яқиндан танишди, машғулотлар жараёнини кўздан кечирди.
Шу билан Президент Шавкат Мирзиёевнинг Тошкент вилоятига сафари якунланди, давлатимиз раҳбари Тошкент шаҳрига қайтиб келди.

Видео Шавкат Мирзиёев Тошкент вилояти сайловчилари билан учрашди канала UZBEK TV