Qazi anası bir ailədə ikinci faciənin baş verməsindən qorxur

Ağdam rayonundan məcburi köçkün Məmmədova Nərgiz Yusif qızı övladı Mehdiyev Elcan Qədir oğlunun taleyindən narahatdır. Şikayətçi bildirir ki, oğlu həqiqi hərbi xidmətini başa vurduqdan sonra 2018-ci ildən Müddətdən Artıq Xidmət edən Hərbi Qulluqçu kimi ordu sıralarında xidmət edib. İkinci Qarabağ savaşı zamanı ciddi yaralansa da əlillik dərəcəsi ala bilmir. Dəfələrlə öz həyatına qəsd edib.
Məmmədova Nərgiz kürəkəni Əsədov Rauf Xanbala oğlunun da zabit olaraq 2016-cı ilin aprel döyüşlərinin iştirakçısı olduğunu, daha sonra aldığı travmalardan xidmətə yararsız olduğunu, daha sonra isə iztirablara dözməyərək intihar etdiyini bildirib. İndi onun övladlarına da baxmaq məcburiyyətində qaldığını qeyd edir.
Məmmdova Nərgiz oğlunun iki əmisinin Birinci Qarabağ savaşında şəhid olduğunu da deyir. Prezidentə və aidiyyatı qurumlara səslənərək ona kömək etmələrini xahiş edir.
İki dəfə Əmək və Əhalinin Sosial Müdafiəsi nazirliyi yanında Tibbi-sosial ekspertiza və reabilitasiya Agentliyinə müraciət etsə də qazi Mehdiyev Elcana əlillik dərəcəsi yəyin edilməsindən imtina edilib.

Видео Qazi anası bir ailədə ikinci faciənin baş verməsindən qorxur канала Azadliq qezeti