Ҳавопаймои аввал рафт, аммо муҳоҷиронро набурд

Аввалин рейси мунтазам аз Русия ба Тоҷикистон сурат гирифт, вале шаҳрвандони Тоҷикистон ба Русия парвоз карда натавонистанд.

Шаби 3 апрел аз Маскав ба Душанбе аввалин ҳавопаймо парвоз кард, ки бо ин яксола алоқаи ҳавоии байни ду давлат боз шуд. Ҳавопаймои ширкати россиягӣ “ЮТейр” 258 нафарро ба Тоҷикистон расонид. Миёни онҳо асосан муҳоҷирони меҳнатӣ буданд. Баъзеашон зиёда аз як сол аз дидори наздикон маҳрум будаанд.
“Хеле пазмон шудам, якуним сол шуд наздиконро надида будам, холо меравам зиёрати наздикон”, - мегуяд яке аз онҳо, ки дар Русия зиёда аз як сол кор мекарду ҳуҷҷат барои шаҳрвандӣ гирифтан дуруст мекард.

Мусофирон мегӯянд, чиптаро бо нархи қариб 150 доллар дастрас кардаанд. То ин дам аз Русия танҳо хатсайрҳои чартерӣ парвоз мекарданд, ки қимматашон чандин маротиба гаронтар аз ин буд. Ва бисёриҳо имконияти хариди чиптаро надоштанд.
Ахиран мақомоти тоҷик ба нархгузории чипта маҳдудият гузошт – ширкатҳо барои омаду рафти ҳавопаймояшон, барои мисол ба самти Маскав-Душанбе-Маскав, набояд зиёд аз 500 доллар нарх гузоранд. Яъне агар қиммати парвоз аз Русия ба Тоҷикистон 350 доллар бошад, ҳангоми бозгашти ҳавопаймо ба Русия чипта бояд 150 доллар арзиш дошта бошад. Ва хамин тавр қиммати чипта барои парвоз бо ҳамин ҳавопаймои “Ютейр” 350 доллар арзиш доштааст.

Ҳавопаймои ин ширкат пас аз 2 соати дар Душанбе нишастан бояд боз бо 249 нафар мусофир ба Маскав бар мегашт. Вале шаҳрвандони Тоҷикистон, ки чипта харида буданд, натавонистанд ба ҳавопаймо роҳ ёбанд. Мақомоти Русия талаботи ба ин давлат парвоз карданро ногаҳон тағйир дод.

“То вақти парвоз ба мо мушаххасан маълум набуд, ки кай иҷозат дода мешавад, - гуфт дар суҳбат бо журналистон намояндаи “ЮТейр” Акбар Рахимов. - Аз ҳамин сабаб мо то охир интизор шудем то ба мо посух диҳанд. Ва ба мо ҷавоб омад, ки тибқи қарори 635 ки аз 20 уми марти 2020 аз тарафи ҳукумати Русия қабул шуд аст, танҳо мусофироне метавонанд парвоз кунанд, ки шаҳрванди Русия ё падару модарашон шаҳрванди Русия аст ва боз нафароне, ки иҷозаи иқомат дар қаламрави он кишварро доранд”.

Хатсайри “Ютейр” бо ҳамагӣ чанд нафар ба Маскав баргашт, ки онҳо шаҳрвандӣ ё иҷозати иқомат дар он кишварро доштанд. Вале намояндаи ширкат кафолат дод, ки пули мусофирони бозмонда намесузад.

Алоқаи ҳавоӣ миёни Тоҷикистону Русия пас аз як сол боз шуд. Рафтуомад моҳи марти соли 2020 бар асари пандемия баста шуда буд.

То 75% муҳоҷирони меҳнатии тоҷик натавонистанд ба кор сафар кунанд. Интиқоли маблағ ба Тоҷикистон, тибқи арзёбиҳои мухталиф, аз 6 то 50 дарсад коҳиш ёфт.

Подписывайтесь на наш канал, и посетите наш:
Веб-сайт: https://asiaplustj.info
Facebook: https://facebook.com/asiaplustj
Instagram: https://instagram.com/asiaplustj

#авиасообщение #таджикистан #asiaplus

Видео Ҳавопаймои аввал рафт, аммо муҳоҷиронро набурд канала Аsia-Plus TV